الماتىلىقتار 42 مەمقىزمەتتى ءبىر جەردەن الا الادى - ۆيدەو

None
None
الماتى. قازاقپارات - الماتى اكىمى باقىتجان ساعىنتايەۆ دوستىق داڭعىلىنىڭ بويىندا ورنالاسقان عيماراتتىڭ جوندەۋ جۇمىستارىمەن تانىستى. مۇندا الەۋمەتتىك قىزمەتتەر ءۇيى اشىلادى، دەپ حابارلايدى قازاقپارات ءتىلشىسى.

بۇل تۋرالى قالا اكىمى باقىتجان ساعىنتايەۆ Instagram پاراقشاسىندا جازدى.

ەندى قالا تۇرعىندارى « ءبىر تەرەزە» قاعيداتى بويىنشا 42 مەملەكەتتىك جانە 7 مەملەكەتتىك ەمەس قىزمەت ءتۇرىن الا الادى. الەۋمەتتىك قىزمەتتەر ءۇيىنىڭ ءبىرىنشى قاباتىندا الەۋمەتتىك قامسىزداندىرۋ، تۇرعىن ءۇي ساياساتى باسقارماسى، حالىقتى جۇمىسپەن قامتۋ ورتالىعى، ازاماتتارعا ارنالعان مەملەكەتتىك كورپوراتسيا، كوشى- قون پوليتسياسى، ب ج ز ق، مەملەكەتتىك الەۋمەتتىك ساقتاندىرۋ قورى مەن مەديتسينالىق- الەۋمەتتىك ساراپتاما ماماندارىنىڭ قىزمەتىنە جۇگىنە الادى. جوعارعى قاباتتاردا بەيىندى باسقارمالار ورنالاسادى.

«وزىمىزدە وندىرىلگەن ساپاسى جوعارى ارلەۋ ماتەريالى مەن ينتەرەر زاتتارىن پايدالانۋ قاجەتتىگىنە ءمان بەردىم. وسىلايشا الماتىدا تۇرعىنداردىڭ الەۋمەتتىك قىزمەتتەردىڭ بارلىق سپەكترىنە قول جەتكىزە الاتىن جايلى ءبىرىڭعاي ورتالىق قۇرىلادى»، - دەپ جازدى ب. ساعىنتايەۆ.



سوڭعى جاڭالىقتار