ءبىرىڭعاي جيىنتىق تولەمگە اۋدارىم جاساماعاندار 42,5 مىڭ تەڭگەنى قالاي الادى

«42,5 مىڭ تەڭگەلىك الەۋمەتتىك تولەمدى الۋدا مىناداي كوپشىلىككە ءوتىنىشىمىز بار: بىرىنشىدەن مالىمەتىڭىزدى دۇرىس تولتىرۋ كەرەك. ءوزىڭىزدىڭ ەسەپشوتىڭىزدى دۇرىس كورسەتىپ، ج س ن ءنومىرىن دۇرىس بەلگىلەۋ كەرەك. ەكىنشىدەن سوڭعى ەكى ايدا بولسىن ساقتاندىرۋ قورىنا اۋدارىلعان الەۋمەتتىك تولەم بولۋى ءتيىس. سەبەبى بۇل تولەم ءبىر كاسسادان تولەنىپ جاتقان جوق. مەملەكەتتىك ساقتاندىرۋ قورىنان اۋدارىلىپ جاتىر. ءبىراق وسىنداي الەۋمەتتىك تولەمدەرى مۇلدە جوق ازاماتتار دا بار. ياعني بەيرەسمي جۇمىس ىستەپ جۇرگەندەردىڭ ەڭبەك شارتتارى جوق، ولار سالىق تولەمەگەن. سوندىقتان بەيرەسمي جۇمىس ىستەپ جۇرگەن ازاماتتارعا پرەزيدەنت راسىمدەلۋ عانا جەتكىلىكتى ەكەنىن ايتتى. راسىمدەلۋ دەگەن نە؟ ول ءۇشىن ءبىرىڭعاي جيىنتىق تولەمدى ءبىر مەزگىل تولەسەڭىز جەتكىلىكتى. ول سوما قالا تۇرعىندارى ءۇشىن 2651 تەڭگە، اۋىل تۇرعىندارى ءۇشىن 1325 تەڭگە. وسىنى ءبىر تولەسەڭىزدەر 42500 تەڭگەنى اي سايىن الاتىن بولاسىزدار»، - دەدى ءبىرجان نۇرىمبەتوۆ و ك ق- دا وتكەن باسپا ءسوز ءماسليحاتىندا.

ءمينيستردىڭ ايتۋىنشا سول تولەمدى قالاي جاساۋعا بولاتىنىن دا ءتۇسىندىردى. «حالىق بانك، فورتە بانك، جۋسان بانك، سبەربانك، بتسك، كاسپي بانكتەردە موبيلدى قوسىمشالار بار. سول ارقىلى ءبىرىڭعاي جيىنتىق تولەمدى اۋدارۋعا بولادى. بولماسا س م س ارقىلى: تەلەفوننان س م س- ءتى 5505 نومىرىنە حابارلاما جازىپ، قالا تۇرعىنى بولساڭىز لاتىن ارىپتەرىمەن «gorod ESP» دەپ ج س ن بەلگىلەيسىز، اۋىل تۇرعىنى بولساڭىز «selo ESP» دەپ ج س ن بەلگىلەيسىز. وسىنى جىبەرگەننەن كەيىن تولەمدەرىڭىز ەسەپكە تۇسەدى. وسىدان كەيىن 42500 تەڭگەنى الۋعا مۇمكىندىگىڭىز بار»، - دەدى ول.

اۆتور: ايان بەكەن ۇلى