الەۋمەتتىك قورعاۋ ءمينيسترى: 42,5 مىڭ تەڭگەنى ەشقانداي قۇجاتسىز، جاي ءوتىنىش ارقىلى الۋعا بولادى

None
None
نۇر- سۇلتان. قازاقپارات - ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ەلىمىزدە 42500 تەڭگەلىك تولەمدى الۋ ءۇشىن ەشقانداي قۇجاتتىڭ قاجەتى جوق ەكەنىن ايتتى، دەپ حابارلايدى قازاقپارات ءتىلشىسى.

«ءبىز جۇمىس بەرۋشىلەردى جۇمىس ورىندارىن، جۇمىسشىلاردىڭ جالاقىسىن ساقتاۋعا، قاشىقتان جۇمىس ىستەۋگە مۇمكىندىك بەرۋگە جانە اقىلى ەڭبەك دەمالىسقا جىبەرۋگە شاقىرعان بولاتىنبىز. ءبىراق وكىنىشكە قاراي، كوپشىلىك مەكەمە، اسىرەسە ورتا جانە شاعىن بيزنەس وكىلدەرىنىڭ بۇل تالاپتاردى ورىنداۋعا مۇمكىندىگى بولماي وتىر. ولار جۇمىسشىلارىن اقىسىز دەمالىسقا جىبەرۋگە، ءتىپتى قىسقارتۋعا ءماجبۇر. ونىڭ ۇستىنە ەلىمىزدە ءوز بەتىنشە جۇمىس ىستەپ جۇرگەن ازاماتتار دا تابىسىنان ايىرىلۋدا. ەلىمىزدە ستاتيستيكا بويىنشا ءوزىن ءوزى جۇمىسپەن قامتىعان 2 ميلليون ادام بار. وسىعان بايلانىستى پرەزيدەنتتىڭ 23 -ناۋرىزداعى تاپسىرماسىنا سايكەس توتەنشە جاعدايدا مەملەكەتتىك ساقتاندىرۋ قورىنان تابىسىنان ايىرىلعان ازاماتتارعا 42500 تەڭگە الەۋمەتتىك تولەم ەنگىزىلدى. العاشقى 1 مىڭنان استام ادام ونى الا باستادى» ، - دەدى ءبىرجان نۇرىمبەتوۆ و ك ق- دا وتكەن باسپا ءسوز ءماسليحاتىندا.

ءمينيستردىڭ ايتۋىنشا مەملەكەت باسشىسى وسى الەۋمەتتىك تولەمدى الۋ ماسەلەسىن جەڭىلدەتۋدى تاپسىرعان.

«وسىعان باليانىستى ءتارتىپتى وزگەرتۋدەمىز. سونىمەن بۇگىن مەملەكەتتىك ساقتاندىرۋ قورىنان 42500 تەڭگەنى كىم الادى؟ ول بىرىنشىدەن جالدامالى قىزمەتكەرلەر - ورتا جانە شاعىن كاسىپورىنداردا اقىسىز دەمالىسقا جىبەرىلگەن جۇمىسشىلار. كارانتين جاريالانعان قالالاردا بۇل ساناتقا ءىرى كاسىپورىنداردا جاتادى. ەكىنشىسى - جەكە تۇلعالار، ءوز بەتىنشە جۇمىسپەن قامتىلعاندار. ولاردىڭ ىشىندە جەكە كاسىپكەرلەر بار - 1,5 ميلليون ازامات. جەكە پراكتيكامەن اينالىسىپ جۇرگەن (جەكە ادۆوكاتتار، سوت ورىنداۋشىلار، نوتاريۋستار) 2 مىڭنان استام وسىنداي ازامات بار. فريلانسەردەن دە 180 مىڭ بار. ولار دا تابىستارىنان ايىرىلۋدا. سوڭعى 12 ايدا ءبىرىڭعاي جيىنتىق كولەمىن تولەگەن 316 مىڭ ادام بار» ، - دەدى ول.

الەۋمەتتىك تولەمدى الۋ ءۇشىن ازاماتتارىمىز نە ىستەۋى كەرەك؟ قايدا جانە قانداي قۇجات تاپسىرۋ كەرەك؟

«بىرىنشىدەن ەندى ەشقانداي قۇجاتتى تاپسىرۋدىڭ قاجەتى جوق. تەك ءوتىنىش بەرىلەدى. جۇمىس بەرۋشى ءوزىنىڭ وتىنىشىندە جۇمىسشىلارىنىڭ ءتىزىمىن قوسادى. بۇل جەردە تابىستان ايىرىلعاننىڭ توتەنشە جاعدايعا بايلانىستى ەكەنىن ەشكىمگە دالەلدەۋدىڭ قاجەتى جوق. وتىنىشتە كورسەتىلگەن مالىمەتتەر قابىلدانادى. ەكىنشىدەن ءبارى ەلەكتروندى تۇردە بولادى. ءوتىنىش تاپسىرۋ جاعىنان كوپتەگەن حالىق تاراپىنان سۇرا، قيىندىق بولىپ جاتىر. سوندىقتان ءبىراز تەحنيكالىق شەشىمدەردى ىسكە اسىرىپ جاتىرمىز» ، - دەدى ول.

سوڭعى جاڭالىقتار