42 گرادۋسقا دەيىن ىستىق، ءورت قاۋپى: 12 وڭىردە ەسكەرتۋ جاريالاندى

اتاپ ايتقاندا، 3 -تامىزدا كۇندىز قىزىلوردا وبلىسىندا جەل سولتۇستىك- شىعىستان، سولتۇستىككە اۋىسىپ، كۇشى كەي جەرلەردە 15-20 م/س ارتادى. سونداي- اق شاڭدى داۋىل مەن 43 گرادۋسقا دەيىنگى قاتتى ىستىق كۇتىلەدى. توتەنشە ءورت قاۋپى ساقتالادى.

قىزىلوردا قالاسىندا كۇندىز 40-42 گرادۋس قاتتى ىستىق بولادى. كۇندىز 3-تامىزدا الماتى وبلىسىندا 36 گرادۋس قاتتى ىستىق كۇتىلەدى. ءوڭىردىڭ كەي جەرلەرىندە توتەنشە ءورت قاۋپى ساقتالادى. تالدىقورعان قالاسىندا كۇندىز 36 گرادۋس ىستىق بولادى. كۇندىز 3-تامىزدا اقمولا وبلىسىنىڭ كەي جەرلەرىندە نايزاعاي بولجانادى.

كۇندىز 3-تامىزدا قاراعاندى وبلىسىنىڭ كەي جەرلەرىندە 36 گرادۋس قاتتى ىستىق ساقتالادى. جەكەلەگەن اۋماقتاردا وتە جوعارى ءورت ءقاۋپى ساقتالادى. جەزقازعان قالاسىندا كۇندىز 36 گرادۋس قاتتى ىستىق ساقتالادى.

كۇندىز 3-تامىزدا شىعىس قازاقستان وبلىسىنىڭ كەي جەرلەرىندە نايزاعاي ويناپ، سولتۇستىك- شىعىستان جەل سوعادى. كۇشى كەي جەرلەردە 15-20 م/س جەتەدى.

كۇندىز وبلىستىڭ وڭتۇستىگىندە 35 گرادۋسقا دەيىن قاتتى ىستىق بولادى. ءۇرجار اۋدانىندا ءورتتىڭ توتەنشە جوعارى دارەجەسى كۇتىلەدى.

كۇندىز 3-تامىزدا قوستاناي وبلىسىنىڭ كەي جەرلەرىندە 38 گرادۋسقا دەيىن قاتتى ىستىق بولادى. وبلىستىڭ وڭتۇستىگىندە توتەنشە ءورت قاۋپى ساقتالادى.

كۇندىز 3-تامىزدا پاۆلودار وبلىسىنىڭ كەي جەرلەرىندە نايزاعاي ويناپ، سولتۇستىك- باتىستان جەل سوعادى. نايزاعاي كەزىندە جەلدىڭ ەكپىنى - 18 م/س.

3-تامىزدا تۇركىستان وبلىسىنىڭ تاۋلارىندا نايزاعاي كۇتىلەدى. كەي جەرلەردە شاڭدى داۋىل تۇرىپ، سولتۇستىك- شىعىستان جەل سوعادى. جىلدامدىعى - 15-20 م/س.

كۇندىز 40 گرادۋس قاتتى ىستىق بولجانادى. كەي جەرلەردە توتەنشە ءورت قاۋپى ساقتالادى.

تۇركىستان قالاسىندا كۇندىز سولتۇستىك- شىعىستان جەل سوعادى، ەكپىنى 15-20 م/س.

3-تامىزدا شىمكەنت قالاسىندا كۇندىز سولتۇستىك- شىعىستان جەل سوعادى، ەكپىنى 15-20 م/س.

كۇندىز 3-تامىزدا سولتۇستىك قازاقستان وبلىسىنىڭ كەي جەرلەرىندە نايزاعاي كۇتىلەدى. سولتۇستىك- باتىستان جەل سوعادى، كۇندىز كۇشى 15-20 م/س جەتەدى.

كۇندىز 3-4 تامىزدا جامبىل وبلىسىنىڭ تاۋلى جانە تاۋ بوكتەرلى اۋداندارىندا نايزاعاي، بۇرشاق كۇتىلەدى. كەي جەرلەردە شاڭدى داۋىل سوعادى.

سولتۇستىك- شىعىستان جەل سوعادى، كۇشى 15-20 م/س قۇرايدى. كۇندىز وبلىستىڭ باسىم بولىگىندە 40 گرادۋسقا دەيىن قاتتى ىستىق، توتەنشە ءورت قاۋپى كۇتىلەدى.

تاراز قالاسىندا كۇندىز 38 گرادۋسقا دەيىن قاتتى ىستىق بولادى.

كۇندىز 3-5 تامىزدا اقتوبە وبلىسىنىڭ كەي جەرلەرىندە 40-41 گرادۋس وتە قاتتى ىستىق كۇتىلەدى. توتەنشە ءورت قاۋپى ساقتالادى.