15:16, 04 - ناۋرىز 2021 | GMT +6
شىمكەنتتە 41 جاستاعى ايەل ونىنشى بالاسىن ومىرگە اكەلدى
نۇرسۇلتان. قازاقپارات - شىمكەنتتە پەريناتالدىق ورتالىقتىڭ مەديتسينا قىزمەتكەرلەرى 41 جاستاعى انانىڭ ونىنشى بالاسىن دۇنيەگە اكەلۋگە كومەكتەستى.
ايەلدىڭ ەسىمى - ايجان، 25 -اقپاندا ول امان-ساۋ دەنى ساۋ بالانى دۇنيەگە اكەلدى. دارىگەرلەردىڭ ايتۋىنشا، انا مەن بالانىڭ جاعدايى تۇراقتى، دەپ حابارلايدى Otyrar.kz.
«ءبىز ايجاننىڭ ون بالانى دۇنيەگە اكەلگەنىنە قۋانىشتىمىز. ارينە، بۇل ءۇشىن ونىڭ دەنساۋلىعى مىقتى بولۋى كەرەك. كوپ بالالى وتباسىنىڭ بالالارى تاربيەلەنىپ، ولارعا قامقورلىق كورسەتىلەدى. كوپ بالالى انالار ءبىز ءۇشىن ناعىز باتىر» - دەدى پەريناتالدىق ورتالىق ماماندارى.
شىمكەنت دەنساۋلىق ساقتاۋ باسقارماسىنىڭ مالىمەتىنشە، جىل باسىنان بەرى قالادا 4892 بالا دۇنيەگە كەلگەن. جىلدىڭ العاشقى ەكى ايىندا تۋعانداردىڭ كوپشىلىگى ەر بالالار.