+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

الماتىدا ءۇي كارانتينىن بۇزعان 412 ادامعا ايىپپۇل سالىندى

24 قىركۇيەك 21:45
:ءبولىسۋ
الماتىدا ءۇي كارانتينىن بۇزعان 412 ادامعا ايىپپۇل سالىندى

الماتى. قازاقپارات - الماتىدا ءۇي كارانتينىن بۇزعان «قىزىل» مارتەبەسى بار 412 ادامعا ايىپپۇل سالىندى، دەپ حابارلايدى قازاقپارات ءتىلشىسى.

«Ashyq ارقىلى 14 كۇندىك ءۇي كارانتينىن بۇزعان 412 الماتىلىق اكىمشىلىك جاۋاپقا تارتىلدى جانە ايىپپۇل (30 ا ە ك) تولەدى»، - دەپ حابارلادى سانيتارلىق-ەپيدەميولوگيالىق باقىلاۋ دەپارتامەنتىنەن.

COVID-19 ءۇشىن پ ت ر تەستى وڭ ناتيجەسىن بەرگەن الماتىلىقتار قوعامدىق ورىندارعا بارىپ، «ASHYQ» بويىنشا جۇمىس ىستەيتىن نىسانداردا- ح ق ك و، مەيرامحانا، فيتنەس-ورتالىقتار، اۋەجاي، كينوتەاترلار، كومپيۋتەرلىك كلۋبتار، باسسەيندەر جانە تاعى باسقا نىسانداردىڭ قىزمەتتەرىمەن پايدالانۋعا تىرىستى. ءوزىن-ءوزى وقشاۋلاۋ رەجيمىن بۇزاتىن تۇرعىندار مەديتسينالىق ۇيىم، الەۋمەتتىك سالا، ءبىلىم بەرۋ، كەڭسە ۇيىمدارى، بانكتەر، ساۋدا، قارجى نارىعى، الەۋمەتتىك قىزمەتتەر، قوعامدىق تاماقتانۋ جانە باسقا دا نىسانداردىڭ قىزمەتكەرلەرى ەكەنى انىقتالدى. سونىمەن قاتار، «ASHYQ» جوباسىنىڭ قاتىسۋشىلارىنا الماتى قالاسىندا كوروناۆيرۋستىق ينفەكسيانىڭ تارالۋىنا جول بەرمەۋ ماقساتىندا بارلىق كەلۋشىلەردى سكانەرلەۋ قاجەتتىلىگىن ەسكە سالامىز.

«قىزىل» مارتەبەدەگى ادامدار Ashyq جوباسى بويىنشا جۇمىس ىستەيتىن نىساندارعا كىرگىزىلمەيدى. قۇقىق بۇزۋشىلاردىڭ تولىق ءتىزىمىن مىنا جەردەن تابۋعا بولادى. سانيتاريالىق-ەپيدەميولوگيالىق باقىلاۋ دەپارتامەنتى امبۋلاتورلىق ەم الىپ جاتقان ازاماتتاردى ءوزىن-ءوزى وقشاۋلاۋ رەجيمىن بۇزباۋعا جانە قوعام الدىندا ازاماتتىق جاۋاپكەرشىلىكتى ۇمىتپاۋعا شاقىرادى. جۇقتىرعاندارمەن بايلانىستا بولعان ادامدار دا ءوزىن-ءوزى وقشاۋلاۋ رەجيمىن ساقتاۋى جانە باسقا ادامداردىڭ جۇقتىرۋىن بولدىرماۋ ءۇشىن ادامدار جاپپاي جينالاتىن ورىندارعا بارۋدان باس تارتۋى ءتيىس.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات