قوسشى اۋىلىندا كوروناۆيرۋس جۇقتىرعاندار سانى 40 قا جەتتى

COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ مالىمەتىنشە، ۆيرۋستى جۇقتىرعان 7 ادامنىڭ 4 ەۋى بۇعان دەيىن نۇر-سۇلتان قالاسىنان انىقتالعان كوروناۆيرۋستى جۇقتىرعان اداممەن جاقىن بايلانىستا بولعان ادامدار.

سەلينوگراد اۋدانىنىڭ قوسشى اۋىلىندا COVID-19 ءۇي وشاعىندا 1969 - جانە 1995-جىلعى ايەل ادامداردان، 1995-جىلعى ەر ادامنان جانە 2017-جىلى تۋعان قىز بالادان تابىلدى.

تاعى ەكى جاعداي اتالعان ەلدى مەكەننىڭ اكىمشىلىك اۋماعىمەن بايلانىستى. قاۋىپتىلىك توبىنان 1953-جىلعى زەينەتكەردەن كوروناۆيرۋس انىقتالدى. سونداي-اق رەسپيراتورلىق اۋرۋى بار 1998-جىلعى ەر ازاماتتى سكرينينگتىك تەكسەرۋ بارىسىندا كوروناۆيرۋس انىقتالدى.

بۇعان قوسا، سكرينينگتىك تەكسەرۋ كەزىندە COVID-19 ارشالى اۋدانىندا 1998-جىلعى جۇكتى ايەلدىڭ اعزاسىنان تابىلدى.

بارلىعى كوكشەتاۋ قالاسىنداعى اقمولا وبلىستىق تۋبەركۋلەزگە قارسى ديسپانسەرىنە جاتقىزىلدى. اۋرۋ وشاقتارىندا زارارسىزداندىرۋ جۇمىستارى جۇرگىزىلىپ جاتىر.

سانيتارلىق-ەپيدەميولوگيالىق تەرگەۋ جۇمىستارى قولعا الىنعان. وبلىستا كوروناۆيرۋس ينفەكتسياسىن جۇقتىرعان 142 ادام تىركەلگەن. ونىڭ 126 سى - سەلينوگراد اۋدانىندا، ونىڭ ىشىندە 40 عى - قوسشى ەلدى مەكەنىندە تىركەلگەن. قالعان ناۋقاستار كوكشەتاۋ قالاسىندا جانە اقكول، ارشالى، ەگىندىكول، شورتاندى اۋداندارىندا انىقتالعان.