14:50, 19 - ماۋسىم 2019 | GMT +6
ەلىمىزدىڭ كەي وڭىرلەرىندە 40 گرادۋس ىستىق بولادى
نۇر-سۇلتان. قازاقپارات - قازگيدرومەت ماماندارى الداعى ءۇش كۇنگە ارنالعان اۋا رايى بولجامىن ۇسىنادى، دەپ حابارلايدى قازاقپارات.
جوعارعى اتموسفەرالىق قىسىمنىڭ اياسىندا قازاقستاننىڭ سولتۇستىك ايماعى ارقىلى جىلجيتىن فرونتتار تەك كەي جەرلەردە عانا نايزاعاي مەن وتكىنشى جاڭبىر الىپ كەلەدى.
ەلىمىزدىڭ وڭتۇستىك- شىعىسىنىڭ تاۋلى ايماقتارىندا وتكىنشى جاڭبىر جاۋىپ، كۇن كۇركىرەيدى. ەكپىندى جەل تۇرادى.
ال، باتىس پەن وڭتۇستىك ايماقتاردا ىستىق جانە جاۋىن- شاشىنسىز اۋا رايى كۇتىلەدى. كۇندىز اۋا تەمپەراتۋراسى 30...35، كەي جەرلەردە 36...40°س-قا دەيىن كوتەرىلەدى.