ا ق ش- تا حالىقتىڭ قولىندا 400 ميلليوننان استام مىلتىق پەن تاپانشا بار

None
None
نۇر- سۇلتان. قازاقپارات- الەمدە ەڭ كوپ قارۋ ۇستايتىن حالىق امەريكاندىقتار. مۇنداعى جۇرتتىڭ قولىندا قازىردىڭ وزىندە 400 ميلليوننان استام مىلتىق پەن تاپانشا بار. ياعني 100 ادامعا شاققاندا 120 قارۋدان كەلەدى.

ال وسى قارۋ ۇستاۋ بويىنشا امەريكاندىقتاردان كەيىن ەكىنشى جانە ءۇشىنشى ورىندا فولكلەند ارالدارى مەن يەمەن تۇر. ءبىراق ولارداعى قارۋ سانى ا ق ش- تاعىعا قاراعاندا جەر مەن كوكتەي. قازاقستان قارۋ ۇستاعان ازاماتتار سانى بويىنشا دۇنيە جۇزىندە 155-ورىندا. ا ق ش- تا قارۋ ۇستاۋ قۇقىعى كوپتەگەن ازامات ءۇشىن باق ەمەس، سور بولىپ تۇر. اسىرەسە تاپانشا قورعانۋدىڭ ەمەس، جاپپاي قىرۋدىڭ قۇرالىنا اينالعانداي.

دەرەكتەر سويلەسىن. ا ق ش- تا جۇرگىزىلگەن ساۋالنامالار بويىنشا 1968 بەن 2017 -جىلدار اراسىندا 1 جارىم ميلليون امەريكالىق وققا ۇشقان. بۇل وسى ەلدە بولعان كەز كەلگەن سوعىستان قازا تاپقاندار سانىنان الدەنەشە ەسە كوپ. ءبىر عانا 2020 -جىلى 45 مىڭ تۇرعىن كوز جۇمعان. كانادادا بۇل كورسەتكىش 8 ەسە از. ەۋروپا ەلدەرىندە ودان دا تومەن. وتكەن اپتادا امەريكا قوعامىن 2 بىردەي اتىس ءدۇر سىلكىندىردى. كاليفورنيانىڭ بۋففالو قالاسىندا جىگىت وق جاۋدىرىپ، 10 ادامنىڭ ءومىرىن قيدى. تاعى 3 جاراقات العان. وق اتىلعان 13 ادامنىڭ 11- ءى - افروامەريكالىقتار.

كارين جان- پەر، اق ءۇي باسپا ءسوز حاتشىسى:

- بۇل اتىستىڭ موتيۆى تۋرالى تولىق انىقتاۋ ءۇشىن ءالى ۋاقىت كەرەك. ءتيىستى ورگاندار قازىر وسىمەن اينالىسىپ جاتىر. ناسىلدىك جەككورۋشىلىككە ءبىزدى قوعامدا بولماۋعا ءتيىس. پرەزيدەنت تە وسى تۋرالى ۇنەمى ايتىپ كەلەدى. مۇنداي زورلىق- زومبىلىقتى توقتاتۋ ءۇشىن بارىمىزدى سالۋىمىز كەرەك. امەريكا قوعامىن جىك- جىككە بولگىسى كەلەتىن ەكسترەميزم مەن جەككورۋ يدەولوگياسىن تۇبىرىمەن جويۋىمىز قاجەت.

ەكىنشى اتىس كاليفورنيا شىركەۋىندە بولدى. 1 ادامدى ءولتىرىپ، تاعى تورتەۋىن جاراقاتتاعان قاسكوي قىتايدان كەلگەن ميگرانت بولىپ شىقتى. ول تايۆان ازاماتتارىن اتقان. سەبەبى ولاردى جەك كورەدى ەكەن. مۇنى ا ق ش بيلىگى ايتتى. جارالانعانداردىڭ ەڭ ۇلكەنى 92 جاستا. بۇل ءىستى فەدەرالدى تەرگەۋ بيۋروسى باقىلاۋعا الدى.

دون بارنەس، وريندج وكرۋگىنىڭ شەريفى:

- كۇدىكتى جالعىز ءوزى ارەكەت ەتكەن جانە اتقان ادامدارىن، تايۆان حالقىن ساياسي تۇرعىدا جەك كورگەن. بۇعان بىزدە سيفرلىق جانە زات تۇرعىسىندا دالەلدەر بار. نەگىزى ونىڭ بويىندا جەك كورۋ سەزىمى بۇرىن سول تايۆاندا تۇرعان كەزدەرى قالىپتاسقان دەپ ويلايمىن.

قارۋ- جاراق ءوندىرىسى وسكەن

سوڭعى جىلدارى ا ق ش- تا قارۋ- جاراق ءوندىرىسى دە وسكەن. ادىلەت مينيسترلىگىنىڭ مالىمەتى بويىنشا، 2019 -جىلى 7 ميلليوننان استام مىلتىق، تاپانشا جانە باسقا تۇرلەرى شىعارىلعان. بۇل 2000 -جىلدارمەن سالىستىرعان 2 ەسە كوپ. ازاماتتار قارۋ- جاراقتى ەمىن- ەركىن، ەش تەكسەرۋسىز ساتىپ الۋعا بولادى. جاسى نەشەدە، سوتتالعان با - ول جاعى مۇلدە تەكسەرىلمەيدى. پرەزيدەنت دجو بايدەن وتكەن اپتادا ساتىپ الۋشىلاردى تەكسەرۋدى ۇسىنعان بولاتىن. ءبىراق بۇل باستاما قولداۋ تاپقان جوق.

دجو بايدەن، ا ق ش پرەزيدەنتى:

- ۇلتتىق اتقىشتار قاۋىمداستىعى مەنىڭ ۇسىنىسىمدى ەكسترەمالدى دەپ اتادى. ال پوليتسەيلەر مەن بالالاردى قورعاۋ ەكسترەمالدى شاراعا جاتپاي ما؟ قىلمىسكەر، لاڭكەس، قاسكۇنەم بۇل قارۋدى وپ- وڭاي قولعا تۇسىرەدى. ادىلەت مينيسترلىگى قارۋ ۇستاعانداردىڭ تەك 1 پروتسەنتىن عانا تەكسەرە العانىن ايتادى.

قارۋ ساتۋدى شەكتەگەن ەلدەر سوڭعى ون جىلدىقتا الەمنىڭ ءبىرقاتار دامىعان ەلىندە قارۋ- جاراق ۇستاۋعا زاڭمەن تىيىم سالىندى. اۆستراليادا كەيبىر قارۋ تۇرلەرىن ساتىپ الۋعا ەرەجە 1996 -جىلدان كەيىن قاتاڭداتىلدى. وسىنىڭ اسەرى بولسا كەرەك، ەلدە اتىستان قازا تاپقاندار سانى 2 ەسە ازايدى. وڭ مىسال رەتىندە ۇلى بريتانيانى، ءتىپتى وڭتۇستىك افريكانى كەلتىرۋگە بولادى. دەسە دە، امەريكا قوعامىنداعى قارۋ- جاراققا دەگەن قاتىناس مۇلدە بولەك. كونگرەسس بايدەن ۇسىنعان باستامانى وسى جازدا قاراستىرۋى مۇمكىن.

www.24.kz

سوڭعى جاڭالىقتار