تالدىقورعاندىق شەنەۋنىك 400 مىڭ تەڭگە پارانى 12 ميلليون تەڭگە قىلىپ قايتاراتىن بولدى

None
None
نۇر-سۇلتان. قازاقپارات - تالدىقورعان قالالىق سوتىنىڭ ۇكىمىمەن جەرگىلىكتى ءبىلىم بەرۋ بولىمىندەگى بالالاردىڭ قۇقىقتارىن قورعاۋ سەكتورىنىڭ مەڭگەرۋشىسى 400 مىڭ تەڭگە پارانى 12 ميلليون تەڭگە قىلىپ قايتاراتىن بولدى، دەپ حابارلايدى قازاقپارات ءتىلشىسى.

سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر بويىنشا تەرگەۋشىسى دانيار بەگايداروۆ Antikor اقپارات الاڭىندا وسىنداي مالىمەت كەلتىردى.

«الماتى وبلىسىنىڭ تالدىقورعان قالالىق سوتىنىڭ ۇكىمىمەن «تالدىقورعان قالاسىنىڭ ءبىلىم ءبولىمى» م م بالالاردىڭ قۇقىقتارىن قورعاۋ سەكتورىنىڭ مەڭگەرۋشىسى ا. تۇياقبايەۆقا 12 ميلليون تەڭگە كولەمىندە ايىپپۇل سالىندى. سونداي-اق، سوت ۇكىمىمەن ك. پولنوموچنوۆا 4 ميلليون تەڭگە مولشەرىندە ايىپپۇل ارقالايتىن بولدى. ا. تۇياقبايەۆ ك. پولنوموچنوۆانىڭ دەلدالدىعىمەن جەتىم بالانى بوتەن وتباسىنا تاربيەلەۋگە بەرگەنى ءۇشىن 400 مىڭ تەڭگە سوماسىندا پارا الدى دەگەن كۇدىككە ىلىنگەن بولاتىن»، - دەيدى اگەنتتىكتىڭ اسا ماڭىزدى ىستەر بويىنشا تەرگەۋشىسى.

سونداي-اق، دانيار بەگايداروۆ قىزىلوردا وبلىسى ەكولوگيا دەپارتامەنتىنىڭ باسشىسى 11 جىلعا سوتتالعانىن ءمالىم ەتتى.

وعان سەرىكتەستىكتىڭ ەكولوگيالىق زاڭناما تالاپتارىن ساقتاۋى تۇرعىسىنان جۇرگىزىلگەن كەشەندى تەكسەرۋ بويىنشا وڭ شەشىم شىعارعانى ءۇشىن جەكە كومپانيا ديرەكتورىنان 30 ميلليون تەڭگە سوماسىندا پارا الدى دەگەن ايىپ تاعىلعان بولاتىن.

سوڭعى جاڭالىقتار