قىتايدا 4,4 ميلليون تۇرعىنى بار قالا كارانتينگە جابىلدى

بۇل قالادا كوروناۆيرۋس جاعدايىنىڭ جيىلەۋىنە بايلانىستى قاتاڭ كارانتين رەجيمى ەنگىزىلدى، - دەپ حابارلايدى South China Morning Post.

جاقىندا وسىنداي اتاۋى بار پروۆينسيادا COVID-19 جۇقتىرعان التى جاعداي تىركەلدى. ال اپتا بۇرىن 15 ادامنان كوروناۆيرۋس انىقتالىپ، ونىڭ ەكەۋى سيمپتومسىز بولعان.

بۇل جاعدايدىڭ بارلىعى جيلينمەن كورشى تۇرعان شۋلان قالاسىندا كىر جۋاتىن جەردە جۇمىس ىستەيتىن 45 جاستاعى ايەلمەن بايلانىستى بولىپ وتىر. ول 7-مامىردا COVID-19 انىقتاۋعا تەست تاپسىرعاندا ناتيجەسى وڭ بولىپ شىققان.

ايەلدىڭ قالاي جۇقتىرعانى ءالى كۇنگە دەيىن بەلگىسىز. سەبەبى پروۆينسيادا 73 كۇن بويى جەرگىلىكتى تۇرعىنداردىڭ اراسىنان جۇقتىرعان جاعدايلار تىركەلمەگەن. ايەل قالادان شىقپاعان جانە شەتەلدەن كەلگەندەرمەن بايلانىسپاعان.

جيلين بيلىگى كوروناۆيرۋس ەپيدەمياسىنىڭ ەكىنشى تولقىنى بولۋىنان قورقىپ، قاتاڭ شارالاردى قابىلدادى. پويىزدار مەن قالاارالىق اۆتوبۋستار توقتادى، مەكتەپتەر، قوعامدىق جانە ويىن-ساۋىق ورتالىقتارى جابىلدادى. كينوتەاترلار، پاركتەر، ستاديوندار جانە ينتەرنەت-كافەلەر جابىلىپ، جينالۋعا تىيىم سالىندى.

قالادان شىعۋ ءۇشىن تۇرعىندار كوروناۆيرۋسقا تەست تاپسىرۋى كەرەك.

«قازىرگى اۋرۋدىڭ جيىلەۋى وتە اۋىر جانە ءارى قاراي تاراپ كەتۋىنەن قاۋىپ بار»، - دەدى قالانىڭ ۆيتسە-مەرى گاي دوپنين.