انا مەن بالانى قولداۋعا 4 ايدا 190 ميلليارد تەڭگە ءبولىندى

ماسەلەن، 111,5 مىڭ ادام (جالپى سوماسى 13 ميلليارد تەڭگە بولاتىن) بالا تۋعاندا بەرىلەتىن ءبىر جولعى جاردەماقىنى، ال ساۋىردە وسىنداي تولەمدى 31,4 مىڭ ادام (3,7 ميلليارد تەڭگە) الدى.

بالا ءبىر جاسقا تولعانعا دەيىن ونىڭ كۇتىمىنە بايلانىستى اي سايىنعى جاردەماقىنى ورتا ەسەپپەن 139,9 مىڭ ادام الادى، ولارعا 11,9 ميلليارد تەڭگە تولەندى. ءساۋىر ايىندا بۇل جاردەماقىنى 140,7 مىڭ ادام الدى (3,1 ميلليارد تەڭگە).

«التىن القا»، «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان، I جانە II دارەجەلى «انا داڭقى» وردەندەرىمەن ماراپاتتالعان كوپبالالى انالارعا تولەنەتىن اي سايىنعى جاردەماقىمەن ورتا ەسەپپەن 233,9 مىڭ ايەل ادام قامتىلدى، ءساۋىر ايىندا 234,5 مىڭ ادامعا 4 ميلليارد تەڭگە تولەندى.

4 جانە ودان دا كوپ كامەلەتكە تولماعان بالالارى بار وتباسىلارعا ارنالعان جاردەماقىمەن ورتا ەسەپپەن 384,9 مىڭ وتباسى قامتىلعان(جالپى سوماسى 73,5 ميلليارد تەڭگە)، ءساۋىر ايىندا 396,5 مىڭ ادام جاردەماقى الدى (19 ميلليارد تەڭگە) .

مۇگەدەك بالا تاربيەلەپ وتىرعان ادامدارعا تولەنەتىن جاردەماقىنى 88,4 مىڭ ادام (جالپى سوماسى 15,8 ميلليارد تەڭگە) الدى، ءساۋىر ايىندا 90 مىڭ ادامعا 4,1 ميلليارد تەڭگە تولەندى.

18 جاستان اسقان بالا كەزىنەن ءبىرىنشى توپتاعى مۇگەدەككە كۇتىم جاساۋ بويىنشا اي سايىنعى جاڭا جاردەماقىنى ورتا ەسەپپەن 14,4 مىڭ ادام الادى، ولارعا 2,6 ميلليارد تەڭگە تولەندى، ساۋىردە 14,6 مىڭ ادامعا 644,9 ميلليون تەڭگە تولەندى.

بولاشاق انا بوسانۋعا تولىق دايىن بولۋى ءۇشىن 2008 -جىلدان باستاپ مەملەكەتتىك الەۋمەتتىك ساقتاندىرۋ قورىنىڭ قاراجاتى ەسەبىنەن مىندەتتى الەۋمەتتىك ساقتاندىرۋ جۇيەسىنە قاتىسۋشى جۇمىس ىستەيتىن ايەلدەر جۇكتىلىك جانە بوسانۋ ءۇشىن ءبىرجولعى تولەم الادى. 2020 -جىلى ونى جالپى سوماسى 25,9 ميلليارد تەڭگەگە 61,7 مىڭ ادام الدى. ءساۋىر ايىندا تولەمدى 4,9 ميلليارد تەڭگە سوماسىنا 9,8 مىڭ ادام الدى.

م ءا س ق -تان بالا ءبىر جاسقا تولعانعا دەيىن ونىڭ كۇتىمى بويىنشا اي سايىنعى جاردەماقى جۇرگىزىلەدى. اعىمداعى جىلعى قاڭتار- ءساۋىر ايلارىندا ونى 31,1 ميلليارد تەڭگەگە 273 مىڭ ادام، ءساۋىر ايىندا 7,8 ميلليارد تەڭگەگە 218,4 مىڭ ادام الدى.