اقمولا وبلىسىندا 3 ادام قۇلدىقتان قۇتقارىلدى

بۇل تۋرالى ىشكى ىستەر مينيسترلىگى كريمينالدىق پوليتسيا دەپارتامەنتى باستىعىنىڭ ورىنباسارى قانات نۇرماعامبەتوۆ ۆەدومستۆونىڭ اقپارات الاڭىندا ايتتى.

«اقمولا وبلىسىندا ءۇش ەر ادامدى زاڭسىز باس بوستاندىعىنان ايىرۋ ارەكەتى انىقتالدى. ولاردى نۇر- سۇلتان قالاسىنان الداپ شىعارىپ، قىركۇيەكتىڭ باسىنان بەرى جاۋاپكەرشىلىگى شەكتەۋلى سەرىكتەستىكتەردىڭ بىرىندە كۇشتەپ جۇمىسقا سالعان. ەر ادامدار باقشادان قازىلعان كارتوپتى ىرىكتەۋگە تارتىلعانى اننىقتالدى. ولارعا كۇن سايىنعى جۇمىستارى ءۇشىن 8-10 مىڭ تەڭگە قولما- قول اقشا تولەۋگە ۋادە بەرىلگەن»، - دەدى ءى ءى م وكىلى.

ونىڭ ايتۋىنشا، ۋادە ەتىلگەن اقشا تولەنبەگەن.

«زارداپ شەگۋشىلەر كونتەينەردە تۇنەپ، تاۋلىگىنە 12-13 ساعات جۇمىس ىستەپ كەلگەن. ۇيگە قايۋعا ارەكەتتەنگەنىمەن، كۇش قولدانىپ، قورقىتۋ ارقىلى زاڭسىز ۇستالعان. بۇل فاكتى بويىنشا قىلمىستىق كودەكستىڭ 128-بابىنا سايكەس (ادام ساتۋ) ءىس قوزعالدى»، - دەدى قانات نۇرماعامبەتوۆ.