+7 (701) 759 90 19
USD 425.71 EUR 495.53
RUB 5.99 CNY 66.56
جاڭالىقتار

بوكستان اسكەريلەر اراسىنداعى الەم چەمپيوناتى: قازاقستاندىقتار 3 «التىن» الدى

26 قىركۇيەك 12:16
:ءبولىسۋ
بوكستان اسكەريلەر اراسىنداعى الەم چەمپيوناتى: قازاقستاندىقتار 3 «التىن» الدى

ماسكەۋ. قازاقپارات - قازاقستان قۇراماسى ماسكەۋدە بوكستان اسكەريلەر اراسىندا وتكەن الەم چەمپيوناتىندا 3 التىن، 1 كۇمىس، 3 قولا مەدال جەڭىپ الدى، دەپ حابارلايدى قازاقپارات Sports.kz سايتىنا سىلتەمە جاساپ.

49 كەلىگە دەيىنگى سالماقتا «التىن» ءۇشىن ت. ءجۇسىپوۆ برازيليالىق بوكسشى لەاندەرسون كونسەيساومەن كەزدەستى.

تەمىرتاس تورەشىلەردىڭ ءبىراۋىزدى شەشىمىمەن جەڭىسكە جەتىپ، قازاقستانعا تۋرنيردەگى العاشقى التىن جۇلدەنى الىپ كەلدى. ونىڭ الدىندا ت. ءجۇسىپوۆ بۋم سەو كۆاكتى (وڭتۇستىك كورەيا)، ابەدنەگ ماككلاتەنى (كەنيا) جانە ۆولوديا مناتساكانياندى (رەسەي) جەڭگەن بولاتىن.

75 كەلىگە دەيىنگى ساناتتا تيمۋر نۇرسەيىتوۆكە جاستار اراسىنداعى الەم چەمپيونى، رەسەيلىك الەكسەي سەمىكين قارسىلاس بولدى. ايقاس تورەشىلەردىڭ ءارتۇلى شەشىمىمەن نۇرسەيىتوۆتىڭ پايداسىنا شەشىلدى.

91 كەلىگە دەيىنگى سالماقتا ابزال قۇتتىبەكوۆ «التىن» ءۇشىن رەسەي چەمپيونى يۆان ساگايداكپەن ايقاستى. بۇل جەكپە-جەكتە دە تورەشىلەردىڭ شەشىمى ءبىراۋىزدى بولمادى. جەڭىس قازاقستاندىق بوكسشىعا بەرىلدى.

وسىلايشا، قازاقستان قۇراماسى تۋرنيردە 3 التىن مەدال ولجالادى.

ايتا كەتسەك، فينالدا 52 كەلىگە دەيىنگى سالماقتاعى دامير ءابدىقادىر دا ونەر كورسەتكەن بولاتىن. ول جاستار اراسىنداعى رەسەي چەمپيونى دميتري دۆاليمەن كەزدەستى. جەكپە-جەك تورەشىلەردىڭ ءارتۇرلى شەشىمىمەن د. ابدىقادىرگە بەرىلگەن ەدى.

الايدا، جەكپە-جەكتەن كەيىن رەسەيلىك تاراپ اپەللياتسياعا بەرىپ، تاۋەلسىز كوميسسيا ايقاس ناتيجەسىن قايتا قاراپ، جەڭىستى د. دۆاليگە بەردى.

وسىلايشا، دامير ءابدىقادىر تۋرنيردىڭ كۇمىس مەدالىن قاناعات تۇتتى.

قازاقستاننىڭ ەرلەر قۇراماسىنىڭ ەنشىسىندە 3 «التىن»، 1 «كۇمىستەن» بولەك، ەكى قولا مەدال بار. جالپى كوماندالىق ەسەپتە ءبىرىنشى ورىندى - رەسەي، ەكىنشى ورىندى - قازاقستان، ءۇشىنشى ورىندى وزبەكستان قۇرامالارى جەڭىپ الدى.

ال ق ر ايەلدەر قۇراماسىنا تۋرنيردە 1 عانا قولا جۇلدە بۇيىردى. ونى جاسمين قيزاتوۆا (69 ك گ) يەلەندى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات