امەريكاعا قاشىپ كەتكەن قازاقستاننىڭ 3 ازاماتى ۇستالدى
بۇل تۋرالى ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز ءمالىم ەتتى، دەپ حابارلايدى قازاقپارات ءتىلشىسى.
«قازاقستان ءى ءى م ينتەرپول ۇلتتىق ورتالىق بيۋروسى ا ق ش- تىڭ قۇزىرەتتى ورگاندارىنىڭ كومەگىمەن امەريكا اۋماعىندا جاسىرىنىپ جۇرگەن ءۇش قازاقستاندىق انىقتاپ، ۇستادى. ولارعا نۇر-سۇلتان مەن الماتى قالالارىندا ءىرى كولەمدە الاياقتىق جاساعاندارى ءۇشىن ەلىمىزدىڭ پوليتسياسى سۇرانىسىمەن حالىقارالىق ىزدەۋ جاريالانعان بولاتىن»، - دەدى نۇردىلدا وراز ىشكى ىستەر مينيسترلىگىندە وتكەن باسپا ءسوز ءماسليحاتى بارىسىندا.
ونىڭ اتاپ وتۋىنشە، وتەن اپتادا ىزدەۋگە بولعان ادامدار قازاقستانعا جەتكىزىلىپ، ۋاقىتشا وقشاۋلاعىشقا قامالدى.
«ايتا كەتەرلىگى، سوڭعى ۋاقىتتا شەت مەملەكەتتەردىڭ اۋماعىندا ۇستالاتىندارىڭ گەوگرافياسى ايتارلىقتاي كەڭەيە ءتۇستى. ماسەلەن، سوڭعى 5 جىلدا ىزدەۋگە ادامدار ت م د ەلدەرىندە، سونىمەن قاتار گ ف ر، گرۋزيا، تۇركيا، ا ق ش، يزرايل، اراب امىرلىكتەرى، فينليانديا، ۇلى بريتانيا، كانادا، سەنەگال، يسپانيا، تايلاند، رۋمىنيا، پورتۋگاليا، بولگاريا، اۆستريا، قىتاي، شۆەتسيا، ماكەدونيا، پولشا، دانيا، گرەكيا، حورۆاتيا سىندى ەلدەردە انىقتالىپ، ۇستالدى»، - دەدى رەسمي وكىل.