ديماشتىڭ تۋعان كۇنىنە قىتايلىق جانكۇيەرلەرى 3 مىڭ اعاش وتىرعىزدى

None
None
نۇر- سۇلتان. قازاقپارات - تانىمال قازاقستاندىق ءانشى ديماش قۇدايبەرگەننىڭ جانكۇيەرلەرى ونىڭ تۋعان كۇنىنە 3 مىڭعا جۋىق كوشەت وتىرعىزدى، دەپ حابارلايدى قازاقپارات.

بۇل تۋرالى ءانشىنىڭ فان- كلۋبى Instagram جەلىسىندە مالىمدەدى.

«ديماشتىڭ 26 جاسىنا ارنايى سىيلىق. Dears (فان- كلۋب) ديماشتىڭ اتىنان قىتايدىڭ سولتۇستىك- باتىسىنداعى ءشول دالاعا 2780 ءتۇپ اعاش وتىرعىزىلدى. بۇل قۇم داۋىلىن توقتاتۋعا، جەل ىقپالىن ازايتۋعا جانە قورشاعان ورتانى جاقسارتۋعا كومەكتەسەدى. قوعامنىڭ جاقسارۋى بارلىق زاماندا ماڭىزدى. ءبىز ديماشتىڭ سۇيىسپەنشىلىگى مەن مەيىرىمىن ۇنەمى ەستە ساقتايمىز. سوندىقتان وسىنداي جۇرەك جەر شارىن جاقسارتاتىنىنا ۇمىتتەنەمىز»، - دەپ جازىلعان جانكۇيەرلەر پاراقشاسىندا. ايتا كەتەيىك، ديماش قۇدايبەرگەن 1994 -جىلى 24 - مامىردا اقتوبە قالاسىندا دۇنيەگە كەلگەن.



سوڭعى جاڭالىقتار