13:09, 14 - ناۋرىز 2020 | GMT +6
نۇر-سۇلتان مەن الماتىعا ۇشىپ كەلگەن 3 ۇشاق جولاۋشىلارى ىزدەستىرىلىپ جاتىر
نۇر-سۇلتان. قازاقپارات - گەرمانيادان، رەسەيدەن جانە پولشادان قازاقستانعا ۇشىپ كەلگەن ۇشاقتاردىڭ جولاۋشىلارىنا 1406 نەمەسە 103 نومىرىنە قوڭىراۋ شالۋعا ءوتىنىش جاسالدى، دەپ حابارلايدى قازاقپارات ءتىلشىسى.
«وسى جىلدىڭ 10-ناۋرىزىندا ساعات 02:45 تە فرانكفۋرت- نۇر- سۇلتان- الماتى باعىتىندا ۇشىپ كەلگەن №0646 رەيستىڭ جولاۋشىلارىنان 1406 نەمەسە 103 نومىرلەرىنە قوڭىراۋ شالۋلارىن وتىنەمىز. اۋرۋعا شالدىققاندار سانى - 6 ادام. ولار مەديتسينا قىزمەتكەرلەرىنىڭ قاتاڭ باقىلاۋىمەن كارانتيندە جاتىر»، - دەلىنگەن ق ر د س م تاۋارلار مەن قىزمەتتەردىڭ ساپاسىن جانە قاۋىپسىزدىگىن باقىلاۋ كوميتەتىنىڭ Telegram پاراقشاسىنداعى حابارلامادا.
سونداي-اق، 12-ناۋرىز كۇنى ساعات 06:10 دا «ماسكەۋ- نۇر-سۇلتان» باعىتىندا قاتىناعان №SU-1956 رەيسىنىڭ جانە 10 -ناۋرىز كۇنى ۆارشاۆا- نۇر-سۇلتان باعىتىنداعى №195 رەيسىنىڭ جولاۋشىلارى دا 1406 نەمەسە 103 نومىرلەرىنە حابارلاسۋلارى قاجەت.