«كەشىر، ءبىز شارشادىق»: اناسى 39 جاستاعى مۇگەدەك ۇلىن ءولتىردى

None
None
نۇر-سۇلتان. قازاقپارات - رەسەيلىك بەردسك قالاسىنىڭ 62 جاستاعى تۇرعىنى تۋعان كۇنىندە 39 جاستاعى دارمەنسىز مۇگەدەك ۇلىن ءولتىرىپ، وزىنە قول جۇمساماق بولدى، - دەپ حابارلايدى KP. RU.

ايەل كوپتەگەن جىل بويى دارمەنسىز ۇلىن قاراۋدان شارشادى ما، الدە ۇلىن ايادى ما - قىلمىسقا نەگە بارعانى بەلگىسىز. مالىمەتتەر بويىنشا، 2- ناۋرىزدا ايەل ءومىر بويى قامقور بولعان ۇلىنا ارتىق مولشەردە ءدارى بەرگەن، كەيىن ءوزىن-ءوزى ولتىرۋگە بەل بۋعان. ول كۇيەۋىنە «كەشىر، ءبىز شارشادىق» دەگەن جازبا قالدىرعان. حاتتا ول بۇعان ۇلى دا كەلىسكەنىن جازعان.

جارى ۇيىنە كەلگەندە قايتىس بولعان ۇلى مەن ءولىم اۋزىندا جاتقان ايەلىن كورگەن. جەدەل جاردەم ايەلدى اۋرۋحاناعا جەتكىزگەن، ءبىراق ۇلىن قۇتقارا المادى.

تەرگەۋ كوميتەتى ادام ءولتىرۋ دەرەگى بويىنشا قىلمىستىق ءىس قوزعادى.

سوڭعى جاڭالىقتار