س ق و- دا تەمىرجول تۇيىقتارىندا قىسقا ارنالعان 38 مىڭ توننا كومىر تۇر

None
None
پەتروپاۆل. قازاقپارات - سولتۇستىك قازاقستان وبلىسىندا كومىر بيىل دا قىمباتتامايدى.ءوڭىر باسشىسى قۇمار اقساقالوۆ تۇرعىنداردى قىسقا ەرتە باستان قامدانۋعا شاقىردى، دەپ حابارلايدى قازاقپارات ءتىلشىسى.

س ق و اكىمى قۇمار اقساقالوۆتىڭ ايتۋىنشا، وبلىستاعى بيۋدجەتتىك مەكەمەلەر 73 مىڭ توننا كومىر ازىرلەدى. بۇل - بار قاجەتتىلىكتىڭ 51%. ازىرگە جوسپارعا ساي كەلەدى. كومىر باعاسى ەكى جىلدان بەرى وزگەرگەن جوق. قاداعالانىپ، قىمباتتاتۋعا جول بەرىلمەيدى. ال جەكە سەكتوردا تۇراتىن وبلىس تۇرعىندارى جىلىنا 380 مىڭ توننا كومىر پايدالانادى. ولار ارقانى كەڭگە سالىپ، قىسقى جىلىتۋ ماۋسىمىنا دايىندالۋعا اسىعار ەمەس. «قازىرگى ۋاقىتتا تۇرعىندار 90 مىڭ توننادان ءسال اساتىن كومىردى ساتىپ العان. بۇل نەبارى سۇرانىستىڭ 20% عانا. سول سەبەپتى جۇرتتى كۇز بەن قىستى كۇتپەي، وسى باستان قامدانۋعا شاقىرامىن. ءقازىر وبلىستىڭ تەمىرجول تۇيىقتارىندا 38 مىڭ توننا كومىر جاتىر»،- دەيدى قۇمار اقساقالوۆ. بيىل ءوڭىردىڭ 5 اۋدانىنداعى 53 ەكى قاباتتى تۇرعىن ءۇي ورتالىقتاندىرىلعان جىلىتۋ جۇيەسىنە قوسىلادى. بۇل ۇيلەردىڭ 2 مىڭنان استام تۇرعىنى بار. «ايىرتاۋ، اقجار، ەسىل جانە شال اقىن اۋداندارىندا بيوماسسامەن جۇمىس ىستەيتىن قازاندىقتار ورناتىلادى. ولار وتە ۇنەمدى. قازىر بىرنەشە جىل بۇرىن جىلىتۋ جەلىسىنەن اجىراتىلىپ تاستالعان كوپ قاباتتى ۇيلەردى قوسۋ ءۇشىن جوندەۋ جۇمىستارىن باستادىق»،- دەيدى ءوڭىر باسشىسى.

سوڭعى جاڭالىقتار