08:30, 04 - تامىز 2021 | GMT +6
ايفون ساتىپ الماق بولعان شىمكەنتتىك 36 ميلليون تەڭگەسىنەن ايىرىلىپ قالدى
نۇر-سۇلتان. قازاقپارات - Iphone ساتىپ الماق بولعان شىمكەنتتىك 36 ميلليون تەڭگەسىنەن ايىرىلىپ قالدى، دەپ حابارلايدى Polisia.kz.
قاراتاۋ اۋدانىنىڭ پوليتسيا باسقارماسىنا حاتشىلىق ارقىلى قىزىلوردا وبلىسى قارماقشى اۋدانىنىڭ تۇرعىنى ارىزدانعان. ول ءوز ارىزىندا قىزىلوردا قالاسىنىڭ تۇرعىنى «Iphone» ۇيالى تەلەفوندارىن الىپ كەلەمىن دەپ سەنىمىنە كىرىپ، الاياقتىق جولمەن 36 ميلليون تەڭگەسىن يەمدەنىپ كەتكەندىگىن كورسەتكەن. اتالعان جايت بويىنشا قاراتاۋ ا پ ب كريمينالدىق پوليتسيا ءبولىمى قىزمەتكەرلەرىمەن جەدەل-ىزدەستىرۋ ءىس-شاراسىن جۇرگىزۋ بارىسىندا قىزىلوردا وبلىسى قازالى اۋدانىنىڭ تۇرعىنى انىقتالىپ، ءتيىستى باسقارماعا جەتكىزىلدى.