باتىس قازاقستان وبلىسىندا 350 وقۋشىدان كوروناۆيرۋس تابىلدى

None
None
ورال. قازاقپارات - باتىس قازاقستان وبلىسىندا ءۇشىنشى توقساندا 1- ساۋىردەن باستاپ 350 وقۋشىدان كوروناۆيرۋس انىقتالدى، دەپ حابارلايدى قازاقپارات ءتىلشىسى.

ب ق و سانيتارلىق-ەپيدەميولوگيالىق باقىلاۋ دەپارتامەنتى ءمالىم ەتكەنىندەي، ىندەت جۇقتىرعان شاكىرتتەردىڭ 180 ءى ءداستۇرلى سيپاتتا، 170 ءى قاشىقتان وقيدى.

وسىعان بايلانىستى ولار ءبىلىم الاتىن مەكتەپتەردە ءتيىستى كارانتيندىك ءىس-شارالار الىندى.

«وبلىستا 1- مامىردان بەرى 340 ادامنان ىندەت تابىلدى. سونىڭ ىشىندە 207 سىنەن (60,8 پايىزى) جرۆي بەلگىلەرى بويىنشا دارىگەرگە قارالعان كەزدە كوۆيد انىقتالدى.

سونداي-اق 104 ءى (30,5 پايىزى) بۇرىن اۋىرعاندارمەن قارىم-قاتىناستا بولعان. 26 سىنان (7,6 پايىزى) پروفيلاكتيكالىق ماقساتتا تەكسەرىلگەن، ۇشەۋىنەن (0,8 پايىزى) ستاتسيونارعا جاتقىزار الدىندا سىناما الىنعاندا، دەرتكە شالدىققانى بەلگىلى بولدى»، دەپ حابارلادى ۆەدومستۆودان.

ەسكە سالا كەتەيىك، بۇدان بۇرىن باتىس قازاقستاندا ينفەكسيالىق ستاتسيونارلار سانى 18 گە جەتكەنىن جازعان بولاتىنبىز.

سوڭعى جاڭالىقتار