قازاقستانعا ۇشىپ كەلگەن 34 جولاۋشىدان كوروناۆيرۋس انىقتالدى

None
None
نۇر-سۇلتان. قازاقپارات - بيىلعى 6 - 25 قازان ارالىعىندا حالىقارالىق اۋە رەيستەرىمەن قازاقستانعا كەلگەن 34 جولاۋشىدان كوروناۆيرۋس انىقتالدى.

بۇل تۋرالى كولىكتەگى باس مەملەكەتتىك سانيتارلىق دارىگەر ءسادۋاقاس بايعابىلوۆ ءمالىم ەتتى، دەپ حابارلايدى قازاقپارات ءتىلشىسى.

س. بايعابىلوۆتىڭ اقپاراتىنا سايكەس، 25- قازان كۇنى تۇندە ەلىمىزگە 11 حالىقارالىق اۆيارەيس ۇشىپ كەلگەن. بارلىعى 1483 جولاۋشىنىڭ 1228 ىندە كوروناۆيرۋسقا تاپسىرعان اناليزدەرىنىڭ انىقتامالارى بولعان، قازاقستاننىڭ 255 ازاماتىندا ونداي انىقتاما بولعان جوق.

11 اۆيارەيس ورىندالدى: - تورتەۋى نۇر-سۇلتان قالاسىنا، بارلىعى 434 جولاۋشى، ونىڭ 350 ىندە انىقتاما - بار، 84 ىندە - جوق؛ - التاۋى الماتى قالاسىنا، بارلىعى 939 جولاۋشى، ونىڭ 778 ىندە انىقتاما - بار، 161 ىندە - جوق؛ - بىرەۋى شىمكەنت قالاسىنا، 110 جولاۋشى، 100 ىندە انىقتاما - بار، 10 ىندا - جوق.

«انىقتاماسىز ءۇشىپ كەلگەن قازاقستان ازاماتتارى پ ت ر- اناليز تاپسىرۋ ءۇشىن نۇر-سۇلتان، الماتى جانە شىمكەنت قالالارىنداعى كارانتيندىك ستاتسيونارلارعا جاتقىزىلدى. جولاۋشىلار تۇركيا، ب ا ءا، ۋكراينا جانە بەلارۋستەن كەلگەن. بيىلعى 6- قازاننان باستاپ پ ت ر انىقتاماسىز كەلگەن حالىقارالىق رەيستەردىڭ 34 جولاۋشىسى قازاقستانعا كوروناۆيرۋس الىپ كەلدى: شىمكەنت - 2، نۇر- سۇلتان - 4، الماتى - 28»، - دەدى س. بايعابىلوۆ.

سوڭعى جاڭالىقتار