سوتتالۋشى تۇرمەدە بيزنەس اشىپ، 340 ادامدى جۇمىسپەن قامتىدى
«تاياۋدا ادام قۇقىقتارى جونىندەگى ۋاكىلمەن بىرگە الماتى وبلىسىنداعى بىرنەشە مەكەمەگە، ونىڭ ىشىندە زارەچنىي ەلدى مەكەنىندەگى مەكەمەگە باردىق. سوتالۋشىلاردىڭ ءبىرى تابىستى بيزنەسىن قۇرىپ، شامامەن 340 ادامدى جۇمىسقا ورنالاستىرعان ەتتى قايتا وڭدەۋ تسەحىندا بولدىق. ونىمدەرىن قالاداعى جانە وبلىستاعى ساۋدا نۇكتەلەرىندە ساتادى. ولار تابىستى جۇمىسپەن قامتىلعان، سالىقتارىن تولەيدى. مۇنداي مىسالدار كوپ. شىعىس قازاقستان وبلىسىندا اعاش وڭدەۋ قارقىندى دامۋدا. ءتىپتى سوتتالۋشىلاردىڭ ءبىرى مۋزىكالىق اسپاپتار شىعاراتىن ءوندىرىسىن اشىپ العان. قاراعاندى وبلىسىندا تيپوگرافييالىق، پوليگرافيالىق ونىمدەر شىعارۋعا، مەتالل وڭدەۋگە قاتىستى ءساتتى مىسالدار جەتكىلىكتى. كاسىپكەرلىك داعدىلارىن ەسكەرە وتىرىپ، سوتتالۋشىلار مەكەمە اۋماعىندا ءتۇرلى بيزنەس اشىپ، جەكە كاسىپكەرلىك پەن جاۋاپكەرشىلىگى شەكتەۋلى سەرىكتەستىكتەردى تىركەيدى»، - دەدى كوميتەت ءتوراعاسى ىشكى ىستەر مينيسترلىگى الاڭىندا وتكەن باسپا ءسوز ءماسليحاتىندا.
ونىڭ اتاپ وتۋىنشە، جالاقى ەلىمىزدىڭ ەڭبەك زاڭناماسىنا سايكەس تولەنەدى. جۇمىس بەرۋشىمەن جۇمىسشى اراسىندا ەڭبەك كەلىسىمشارتى جاسالادى.
«جالاقى ورتاشا ەڭبەكاقىنىڭ تومەنگى كولەمىنەن تومەن بولماۋىن عانا تالاپ ەتەمىز. ادەتتە ول دايىندالعان ءونىمنىڭ ساپاسى مەن كولەمىنە بايلانىستى. اۋدارىمدارعا قاتىستى ايتار بولسام، سوتتالۋشىلاردىڭ كوپشىلىگىنە سوت تالابى بار. سوعان وراي ولاردىڭ جالقىسىنىڭ 50 پايىزىنا دەيىنگى مولشەرى بەرەشەكتەرىن جابۋ ءۇشىن ۇستالىنادى. قالعان بولىگىن قالاۋىنشا جۇمسايدى نەمەسە بوستاندىققا شىعاتىن كەزىنە ساقتاپ قويا الادى»، - دەدى جانات ەشماعامبەتوۆ.
اۆتور: مارلان جيەمباي