تۇركيادا جەر سىلكىنىسىنەن قازا بولعاندار سانى 31 گە جەتتى

None
None
انكارا. انادولى-قازاقپارات - تۇركيادا جەر سىلكىنىسىنەن قازا بولعاندار سانى 31 گە جەتتى.

بۇل تۋرالى ەل ۇكىمەتى جانىنداعى توتەنشە جاعدايلاردىڭ الدىن الۋ جانە سالدارىن جويۋ جونىندەگى باسقارمادان (AFAD) ءمالىم ەتتى، دەپ حابارلايدى «قازاقپارات» ح ا ا انادولى اگەنتتىگىنە سىلتەمە جاساپ.

ءمالىم ەتىلگەندەي، قۇتقارۋشىلار ۇيىندىلەر استىنان زارداپ شەككەن 44 ادامدى الىپ شىقتى. مەديتسينالىق كومەككە بارلىعى 1566 ادام جۇگىنگەن. 76 عيمارات قيراپ، 643 نىسانعا ايتارلىقتاي نۇقسان كەلگەن. 425 نىسان جەڭىل جانە ورتاشا دەڭگەيدە زاقىمداندى.

ءزىلزالادان كەيىن ىلە-شالا 599 افتەرشوك تىركەلدى.

بۇعان دەيىن حابارلاعانىمىزداي، تۇركيا شىعىسىندا 24- قاڭتار كۇنى جەرگىلىكتى ساعات 20.55 تە 6,8 ماگنيتۋداسىمەن جەر سىلكىندى. جەراستى ەپيتسەنترى سيۆريدجە ۋەزىندە ەليازىگ پروۆينتسياسىندا ورنالاستى. مىڭداعان ادام تۇندەرىن كوشەدە وتكىزدى.

AFAD- تىڭ اقپاراتىنا سۇيەنسەك، ءزىلزالادان سوڭ 4,0 جانە ودان جوعارى بال قۋاتىمەن افتەرشوكتار بولدى. جەراستى دۇمپۋلەرى ەليازىگقا جاقىن ورنالاسقان پروۆينتسيالاردا (ادانا، حاتاي، وسمانيە، تۋندجەلي، گازيانتەپ، شانلىۋرفا، مالاتيا، ماردين، سامسۋن، توكات، چورۋم جانە كايسەري)، سونداي-اق سيريا سولتۇستىگىندە سەزىلدى.

ق ر س ءى م مالىمەتى بويىنشا، تۇركياداعى تابيعي اپاتتان زارداپ شەككەندەر اراسىندا قازاقستاندىقتار جوق.

ەل پرەزيدەنتى رەدجەپ تايپ ەردوعانعا مەملەكەت باسشىسى قاسىم-جومارت توقايەۆ جانە ەلباسى نۇرسۇلتان نازاربايەۆ كوڭىل ايتتى.

سوڭعى جاڭالىقتار