ۆاكسينا بولماعاندا الەمدە كوروناۆيرۋستان 31,4 ميلليون ادام قايتىس بولاتىن ەدى

بۇل تۋرالى ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ Telegram كانالىنان ءمالىم بولدى، دەپ حابارلادى قازاقپارات. كانالداعى مالىمەتتەرگە قاراعاندا، بيولوگيا جانە مەديتسينا سالاسىنداعى ەڭ بەدەلدى عىلىمي باسىلىمداردىڭ ءبىرى - بريتاندىق The Lancet جۋرنالىندا جاريالانعان جاڭا زەرتتەۋگە سايكەس الەم حالقىن ۆاكسينالاۋ 2020 -جىلدىڭ جەلتوقسانى مەن 2021 -جىلدىڭ جەلتوقسانى ارالىعىندا 20 ميلليونعا جۋىق ادامنىڭ COVID سالدارىنان بولۋى ىقتيمال ءولىم جاعدايلارىنىڭ الدىن الدى. «ماتەماتيكالىق مودەلدەۋگە سۇيەنە وتىرىپ، زەرتتەۋشىلەر ۆاكسينالاۋ بۇكىل الەم بويىنشا ءولىم سانىن ەكى ەسەگە ازايتادى دەگەن قورىتىندىعا كەلدى. ساراپشىلاردىڭ پىكىرىنشە، ۆاكسيناتسياسىز الەمدە 31,4 ميلليون ادام كوروناۆيرۋس ينفەكسياسىنىڭ اسەرىنەن قايتىس بولار ەدى»، - دەلىنگەن حابارلامادا.

سونداي-اق وتكەن تاۋلىكتە رەسەيدە COVID-19 ينفەكسياسىن جۇقتىرعان 1102 ادامنىڭ اۋرۋحاناعا جاتقىزىلعانى بەلگىلى بولدى. بۇل الدىڭعى كۇندەگى 1202-گە قاراعاندا %8,3 عا ازايعان، بۇل تۋرالى كوروناۆيرۋسپەن كۇرەس جونىندەگى جەدەل شتابتىڭ حابارلاماسىندا ايتىلعان. سونىمەن قاتار اۋرۋحاناعا جاتقىزىلعانداردىن سانى 38 وڭىردە وسكەن، 39 وڭىردە ازايعان، قالعان سەگىزىندە جاعداي وزگەرمەگەن. سوڭعى 24 ساعاتتا ەلدە كوروناۆيرۋس جۇقتىرعان 3154 ادام تىركەلدى. كۇنىنە 3225 ناۋقاس جازىلىپ، 65 ادام قايتىس بولىپ جاتىر.

رەسەيدە پاندەميانىڭ بۇكىل كەزەڭىندە 18412805 COVID-19 جاعدايى تىركەلىپ، 17839346 ادام اۋرۋدى جەڭىپ، 380774 ادام قايتىس بولدى.