+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

جالعان ۆاكسينا پاسپورت جاساعان 30 فاكت انىقتالدى

24 قىركۇيەك 11:06
:ءبولىسۋ
جالعان ۆاكسينا پاسپورت جاساعان 30 فاكت انىقتالدى

نۇر- سۇلتان. قازاقپارات - قارجىلىق مونيتورينگ اگەنتتىگى ۆاكسيناتسيا پاسپورتتارىن قولدان جالعان جاساۋدىڭ 30 دەرەگىنىڭ جولىن كەستى، دەپ حابارلايدى قازاقپارات.

قارجىلىق مونيتورينگ اگەنتتىگى جالعان COVID-19 قارسى ۆاكسيناتسيا پاسپورتتارىن جانە پ ت ر- تەستىلەۋ ناتيجەلەرىن دايىنداۋ جانە تاراتۋ دەرەكتەرىن انىقتاۋ جانە جولىن كەسۋ بويىنشا كۇشەيتىلگەن جۇمىس جۇرگىزۋدە. بۇگىنگى تاڭدا اگەنتتىك جالعان ۆاكسيناتسيا پاسپورتتارىن بەرۋدىڭ 30 دەرەگىنىڭ جولىن كەستى.

مۇنداي قۇقىق بۇزۋشىلىقتارعا قارسى كۇرەستە الەۋمەتتىك جاۋاپكەرشىلىكتى تانىتاتىن جانە وسىنداي دەرەكتەر تۋرالى حابارلايتىن ازاماتتار ماڭىزدى ءرول اتقارادى. وسىلايشا، اگەنتتىكتىڭ جامبىل وبلىسى بويىنشا اۋماقتىق دەپارتامەنتىنە جامبىل اۋدانى اسا اۋىلىنىڭ ەمحاناسىندا ماتەريالدىق سىياقى ءۇشىن جالعان ۆاكتسيناتسيا پاسپورتتارىن زاڭسىز ۇسىنعانى تۋرالى شاعىم ءتۇستى.

تەكسەرۋ بارىسىندا دەپارتامەنت قىزمەتكەرلەرى اتالعان ەمحانادا COVID-19 قارسى ۆاكسيناتسيا پاسپورتىن ناقتى ەكپەسىز 15 مىڭ تەڭگەگە بەرۋ دەرەگىن انىقتادى. اتالعان دەرەك بويىنشا بارلىق قاتىسى بار تۇلعالاردى انىقتاۋ ءۇشىن تەرگەۋ شارالارى جۇرگىزىلۋدە. ەگەر سىزگە وسىنداي قۇقىق بۇزۋشىلىقتار بەلگىلى بولعان جاعدايدا، اگەنتتىكتىڭ 77172708478 سەنىم تەلەفونى ارقىلى نەمەسە تۇرعىلىقتى جەرىڭىز بويىنشا اۋماقتىق دەپارتامەنتكە دەرەۋ حابارلاۋىڭىزدى سۇرايمىز.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات