ەلوردادا ءتۇن جارىمىندا كوشە كەزگەن 30 بالانىڭ اتا-اناسى ايىپپۇل تولەيدى

ءتارتىپ ساقشىلارى قوعامعا قارسى ارەكەتتەردى انىقتاۋ ماقساتىندا اۋلالاردى، ساياباقتاردى، سكۆەرلەردى جانە جاستار مەن كامەلەتكە تولماعاندار جينالاتىن باسقا دا ورىنداردى تەكسەردى. مىسالى، ساعات 23:40-تا نۇر-سۇلتان قالاسى ەسىل اۋدانىنىڭ پ ب يۋۆەنالدىق پوليتسيا قىزمەتكەرلەرى قونايەۆ كوشەسىنىڭ بويىنداعى اكىمشىلىك ۋچاسكەدە ساعات 23:00-دەن كەيىن جۇرگەن 17 جاستاعى جاس ءوسپىرىم انىقتالدى.

جاس ءوسپىرىمنىڭ زاڭدى وكىلىنىڭ قاتىسۋىمەن ق ر اقبتك 442-بابى 2-ءبولىمى بويىنشا اكىمشىلىك حاتتاما تولتىرىلدى. ەكى كۇننىڭ ىشىندە پوليتسيا 23:00-دەن 06:00-گە دەيىن تۇرعىنجايدىڭ سىرتىندا زاڭدى وكىلىنسىز جۇرگەنى ءۇشىن 30 ازاماتتى اكىمشىلىك جاۋاپقا تارتتى. سونىمەن قاتار رەيد بارىسىندا اكىمشىلىك جانە قىلمىستىق زاڭناما نورمالارىن ءتۇسىندىرۋ بويىنشا پروفيلاكتيكالىق اڭگىمە جۇرگىزىلە وتىرىپ، بالالاردىڭ قۇقىعىن بۇزۋ فاكتىلەرىن انىقتاۋ ءۇشىن نىساندار تەكسەرىلدى.

وسى جىلدىڭ باسىنان بەرى ءتارتىپ ساقشىلارى كامەلەتكە تولماعانداردىڭ زاڭدى وكىلدەرىنىڭ ەرىپ ءجۇرۋىنسىز تۇرعىنجايدان تىس جەردە بولعانى بويىنشا 2600-گە جۋىق، كامەلەتكە تولماعانداردىڭ زاڭدى وكىلدەرىنىڭ ەرىپ ءجۇرۋىنسىز تۇنگى ۋاقىتتا ويىن- ساۋىق مەكەمەلەرىندە بولعانى بويىنشا 89 جانە كامەلەتكە تولماعانداردىڭ زاڭدى وكىلدەرىنىڭ ەرىپ ءجۇرۋىنسىز تۇنگى ۋاقىتتا ويىن- ساۋىق مەكەمەلەرىندە بولۋىنا جول بەرگەنى بويىنشا 53 ادامدى اكىمشىلىك جاۋاپقا تارتتى.

اۆتور: ءبيبىحان سەرىكوۆا