قاۋىپسىز قالا: استانادا بەينەباقىلاۋدىڭ ارقاسىندا قىلمىس كولەمى %30 ازايدى
ال سيفرلاندىرۋدا قاۋىپسىزدىك باعىتىنا نەگىزگى باسىمدىق بەرىلەدى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.
جولداعى قاۋىپسىزدىكتەن باسقا «قاۋىپسىز قالا» جوباسى ىسكە اسىرىلىپ جاتىر. جوبانى ىسكە اسىرۋدىڭ العاشقى قادامدارى «قاۋىپسىز اۋلا» پيلوتتىق جوباسى بولىپ سانالادى.
جوبا اياسىندا ءتارتىپتى باقىلاۋ ءۇشىن كوپپاتەرلى اۋلالاردا بەينەباقىلاۋ كامەرالارىن ورناتۋ ىسىنە باسىمدىق بەرىلەدى. بەينەكامەرالار زاڭسىز ارەكەتتى انىقتاپ، الدىن الۋ ءۇشىن ۇزدىكسىز مونيتورينگ جۇرگىزەدى.
بەينەباقىلاۋ كامەرالارىنىڭ نەگىزگى فۋنكتسيونالدىق مۇمكىندىكتەرى - بەينەتىركەۋ، دەرەكتەردى وڭدەۋدىڭ ينتەگراتسيالانعان جۇيەسى، سەنىمدى باعدارلامالىق قامتاماسىز ەتۋ. ونىڭ ءبارى ءتۇرلى جاعدايلاردا جۇيەنىڭ ءتيىمدى جۇمىسىن ۇيىمداستىرۋعا مۇمكىندىك بەرەدى.
جولدارداعى قاۋىپسىزدىك بويىنشا زياتكەرلىك كولىك جۇيەسى تولىعىمەن ەنگىزىلدى. سونىڭ ارقاسىندا ەلوردا جولدارى ەلىمىزدەگى ەڭ قاۋىپسىز جولداردىڭ بىرىنە اينالىپ وتىر.
ۇزدىكسىز مونيتورينگ جۇرگىزۋ ءۇشىن ارنايى جۇيەلەردى پايدالانۋ - ىشكى ءوزارا ءىس-قيمىلدى جاقسارتۋعا مۇمكىندىك بەردى. قازىردىڭ وزىندە جوبانىنىڭ وڭ اسەرى بايقالادى. ستاتيستيكا بويىنشا 2020-جىلى تىركەلگەن قىلمىس سانى %30 عا ازايدى.