وزبەكستاندا تاۋلىگىنە 300 مىڭنان اسا ادامعا ۆاكسينا سالىنادى

ۇقساس جاڭالىقتار قىزىلوردا وبلىسى ۆاكسينا سالۋ جونىنەن الدىڭعى قاتاردا كەلەدى قاراعاندىدا كوروناۆيرۋستان كوز جۇمعاندار اراسىندا ۆاكسينا سالدىرعاندار جوق - دارىگەر بەلگيادا 12 جاسار قىز ۆاكسيناتسيا سەرتيفيكاتىن الدى جۇمىس بەرۋشىلەر ۆاكسينالانباعان قىزمەتكەرلەرى ءۇشىن قانشا ايىپپۇل تولەيدى وزبەكستان رەسپۋبليكاسى دەنساۋلىق ساقتاۋ مينيسترلىگىنىڭ دەرەگىنشە، تامىزدىڭ باسىنان بەرى كۇندەلىكتى ۆاكسينالاۋ سانى 300 مىڭنان اسىپ وتىر. تاۋلىكتىك كورسەتكىش رەكوردى 2- تامىز كۇنى تىركەلدى، ول كۇنى كوروناۆيرۋسقا قارسى ۆاكتسينانى 327628 ادام الدى.

بۇگىنگى كۇنى ۆاكسينانىڭ 8318126 دوزاسى پايدالانىلعان، ولاردىڭ ىشىندە 5453534 ادام ەكپەنىڭ ءبىرىنشى دوزاسىن السا، ۆاكسينانىڭ ەكىنشى جانە ءۇشىنشى كومپونەنتىن العاندار سانى - 2055938 جانە 808654.

ەسكە سالا كەتەيىك، وزبەكستاندا ۆاكسينالاۋ كامپانياسى 1- ساۋىردەن باستالدى. ۆاكسينالاۋدا ءتورت پرەپارات قولدانىلادى: ەۋروپالىق AstraZeneca ۆاكسيناسى، قىتاي- وزبەك ZF- UZ- VAC2001 ۆاكسيناسى، رەسەيلىك سپۋتنيك- V جانە -1 تامىزدان باستاپ امەريكالىق Moderna ۆاكسيناسى.

رەسپۋبليكاداعى ەپيدەميولوگيالىق احۋالدىڭ ناشارلاۋىنا بايلانىستى كوروناۆيرۋسپەن كۇرەس جونىندەگى ارنايى كوميسسيا 17- شىلدە كۇنى 18 جاستان اسقان ساۋدا، قوعامدىق تاماقتاندىرۋ، قىزمەت كورسەتۋ جانە ءبىلىم سالالارىندا جۇمىس ىستەيتىن ازاماتتاردى، سونىمەن قاتار اسكەريلەر مەن قۇقىق قورعاۋ ورگاندارىنىڭ قىزمەتكەرلەرىن مىندەتتى ۆاكسينالاۋ تۋرالى شەشىم قابىلدادى. 3- تامىزدان باستاپ وزبەكستاندا حالىقتىڭ جۇمىس ىستەيتىن بولىگىن مىندەتتى ۆاكتسينالاۋدى قۇقىقتىق نەگىزدە بەكىتەتىن زاڭ قابىلداندى.

اۆتور: ءبيبىحان سەرىكوۆا