قازاقستاندا ت ج رەجيمى كەزىندە تۇرمەدەن 300 گە جۋىق ادام بوسادى
«توتەنشە جاعداي رەجيمى كەزىندە سوتتالعان 322 ادام ۇيىنە ورالدى. ونىڭ ىشىندە 282 ادام قىلمىستىق- اتقارۋ جۇيەسى قىزمەتكەرلەرىنىڭ ىلەسىپ جۇرۋىمەن تۇرعىلىقتى جەرىنە جەتكىزىلدى. قالعانى تۋعان- تۋىستارىمەن كەتسە، كەيبىرى الەۋمەتتەندىرۋ ورتالىقتارى مەن قوعامدىق پانسيوناتتارعا ورنالاستىرىلدى»، - دەدى كوميتەت ءتوراعاسىنىڭ ورىنباسارى مەيرام ايۋبايەۆ. سوتتالعان، ءبىراق تۇرمەدەن بوساتىلعان ادامداردى ۇيىنە دەيىن جەتكىزىپ تاستاۋ تۋرالى شەشىم كارانتين كەزىندەگى قوزعالىستىڭ كۇردەلەنۋىنە بايلانىستى جانە كوروناۆيرۋس ينفەكسياسىنىڭ تارالۋىن بولدىرماۋ ماقساتىندا قابىلدانعان.
«سونىمەن قاتار ونى تۇرمەدەن تىكەلەي جىبەرە سالسا، بوتەن قالادا جۇمىسسىز قالىپ، قىلمىسقا قايتا بارۋى مۇمكىن ەدى. ايتا كەتەرلىگى، ق ر ىشكى ىستەر ءمينيسترىنىڭ بۇيرىعىمەن قىلمىستىق- اتقارۋ جۇيەسى كوميتەتى ت ج ۋاقىتىندا بوستاندىققا شىققان ادامداردى جەتكىزىپ سالۋ بويىنشا ارنايى الگوريتم بەكىتكەن ەدى. ول ءالى دە كۇشىندە. ەڭ ءبىرىنشى كەزەكتە ولاردىڭ بلوكپوستان ءوتۋ ءتارتىبى مەن وڭىرلەردەگى جەدەل شتابتارمەن بىرگە الىپ ءجۇرۋ باعدارلارى رەتكە كەلتىرىلدى. بوساتىلعاندارعا ىلەسىپ جۇرۋگە پروباتسيا قىزمەتىنىڭ ماماندارى تارتىلدى. ولار ءوز وڭىرىندەگى بلوكپوستار شەگىندە ىلەسىپ ءجۇردى. جولدا تۇرمەدەن شىققان ازاماتتار تاماقپەن جانە قورعانىس قۇرالدارىمەن قامتىلدى»، - دەلىنگەن كوميتەتتىڭ حابارلاماسىندا.
ماسەلەن شىعىس قازاقستاندا تۇرمەدەن شىققان 187 ادام پروباتسيا قىزمەتىنىڭ ماماندارىنىڭ كومەگىمەن كەدەرگىسىز ۇيىنە ورالعان.