ءبىر اپتا ىشىندە ەلىمىزدە 3,3 مىڭ قىلمىس تىركەلدى

بۇل تۋرالى بۇگىن ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز ءمالىم ەتتى، دەپ حابارلايدى قازاقپارات ءتىلشىسى.

«ءبىر اپتا ىشىندە 3371 قىلمىس جاسالدى. ونىڭ 2145 ى تاۋلىك ىشىندە اشىلدى»، - دەدى ءنۇردىلدا وراز.

رەسمي وكىلدىڭ اتاپ وتۋىنشە، پوليتسيا قىزمەتكەرلەرى «ءىزىن سۋىتپاي» 10 كىسى ءولتىرۋ قىلمىسىن اشقان.

«سونداي-اق، 10 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى، 5 قاراقشىلىق، 39 توناۋ جانە 489 بوتەن مۇلىكتى ۇرلاۋ قىلمىستارىن اشتى»، - دەدى ول. نۇردىلدا وراز حالىقارالىق ايەلدەر كۇنى قارساڭىندا ىشكى ىستەر ءمينيسترى ەرلان تۇرعىمبايەۆ ەرەكشە كوزگە تۇسكەن ايەل قىزمەتكەرلەردى ارنايى قۇتتىقتاعانىن دا اتاپ ءوتتى.

«ايتا كەتۋ كەرەك، قىز-كەلىنشەكتەر ىشكى ىستەر ورگاندارىنىڭ بارلىق بولىمشەلەرىندە، سونىڭ ىشىندە قىلمىستىق پوليتسيا، تەرگەۋ، قوعامدىق قاۋىپسىزدىك سياقتى جەتەكشى بولىمدەردە قىزمەت اتقارادى. بۇگىنگى تاڭدا پوليتسيا قاتارىندا 11 مىڭعا جۋىق ايەل قىزمەت ەتەدى، ولاردىڭ 580 ى باسشىلار»، - دەدى رەسمي وكىل.

اۆتور: مارلان جيەمباي