اۋعانستاننىڭ 2 ازاماتىن رەسەيگە زاڭسىز وتكىزبەك بولعان قازاقستاندىققا سوت ۇكىمى شىقتى

بۇل تۋرالى ق ر ءى ءى م كوشى- قون قىزمەتىنىڭ ەرەكشە تاپسىرمالار جونىندەگى اعا ينسپەكتورى باۋىرجان وماروۆ ءمالىم ەتتى، دەپ حابارلايدى قازاقپارات ءتىلشىسى.

«وتكەن اپتادا عانا قوستاناي وبلىستىق سوتى اۋعانستاننىڭ ەكى ازاماتىن ءتۇن ىشىندە مەملەكەتتىك شەكاراداعى وتكىزۋ پۋنكتتەرىن اينالىپ ءوتىپ، رەسەيگە زاڭسىز كوشى- قون ۇيىمداستىرماق بولعان قازاقستان ازاماتىنا ۇكىم شىعاردى»، - دەدى ول ىشكى ىستەر مينيسترلىگىندە وتكەن بريفينگ بارىسىندا.

سونىمەن قاتار ول شەتەلدىكتەردىڭ ەلىمىزدىڭ اۋماعىندا رۇقسات قۇجاتتارىن الۋدىڭ زاڭسىز جاڭا ءتۇرى پايدا بولعانىن ايتادى.

«ماسەلەن، الماتى قالاسىندا ءبىر پاتەردە تىركەلگەن 7 جاۋاپكەرشىلىگى شەكتەۋلى سەرىكتەستىگى انىقتالدى. ولار ەشقانداي قىزمەت اتقارماعان، بيۋدجەتكە سالىق تا، تولەمدەر دە جاساماعان. ءبىراق، اتالعان زاڭدى تۇلعالار شەتەلدىكتەرگە 16 ۆيزا راسىمدەگەن. بۇل فاكتى بويىنشا تەرگەۋ باستالدى»، - دەدى باۋىرجان وماروۆ.

اۆتور: مارلان جيەمباي