قىتايدا 2 قازاق بوكسشىسى جۇلدەگەر اتاندى - شەتەلدەگى قازاق ءتىلدى ب ا ق- قا شولۋ

None
None
نۇر-سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

ىستامبۇلدا مۇستافا وزتۇرىك اتىندا ساياباق اشىلدى - TRT

قازاقستان رەسپۋبليكاسىنىڭ تاۋەلسىزدىگىنىڭ 30 جىلدىعىنا ارناپ ىستامبۇلدىڭ باعجىلار مۋنيتسيپاليتەتى تاەكۆوندودان الەمگە ايگىلى تۇركيا قازاعى، مارقۇم مۇستافا وزتۇرىك اتىندا ساياباق اشتى، دەپ حابارلايدى تۇركيا راديو تەلەۆيزيا پورتالى.

ساياباقتىڭ اشىلۋىنا باعجىلار مۋنيتسيپاليتەتى مەن ق ر ىستامبۇلداعى باس كونسۋلدىعى مۇرىندىق بولعان. تۇركيالىق ب ا ق- تىڭ دەرەگىنشە، ساياباقتىڭ اشىلۋىدا قازاقتاردىڭ دۇنيەجۇزىلىك قاۋىمداستىعىنىڭ ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ، قازاقستانننىڭ ىستامبۇلداعى باس كونسۋلى ءالىم بايەل مەن باعجىلار مۋنيتسيپاليتەتى باسشىسى لوكمان چاگرىجى جانە وزتۇرىكتىڭ قىزى نەسليحان وزتۇرىك ءسوز سويلەدى.

«وزتۇرىكتىڭ قىزى نەسليحان «اكە، ءسىز بالالاردى قاتتى جاقسى كوردىڭىز، ەندى بالالارعا تولى ساياباعىڭىز بار. ءسىز ءارقاشان وسى ساياباقپەن ەستە قالاسىز» دەپ تەبىرەنىپ سويلەدى»، دەلىنگەن TRT جاريالانعان اقپاراتتا.

ايتا كەتەيىك، مۇستافا وزتۇرىك اتىنداعى ساياباقتىڭ جالپى اۋماعى 4771 شارشى مەتردى قۇرايدى. ساياباقتا فۋتبول كوگالى، بالالار ءۇشىن ويىن الاڭى، بۋفەت، وتىراتىن ورىندار جانە 86 كولىككە ارنالعان تۇراق ويلاستىرىلعان.

قىتايداعى ەكى قازاق بوكسشى «التىن»، «كۇمىس» مەدال جەڭىپ الدى - «جەنمين جيباو»

(People Daily)

«21 - قىركۇيەكتە قىتايدىڭ XIV ۇلتتىق ويىندارى ءوتتى. بۇل چەمپيوناتتا بوكستان ەرلەر اراسىنداعى 75 كەلىدەگى فينالىندا شىنجاڭ كومانداسىنىڭ بوكسشىسى توقتاربەك تاڭاتقان ۇلى بەيجىڭ قۇراماسىنىڭ وكىلى ۇلپار قارقىن ۇلىن 5 : 0 ەسەبىمەن جەڭىپ، چەمپيون اتاندى، دەپ جازادى CNR باسىلىمى.

بۇل جولعى قىتاي چەمپيوناتى شانشيدىڭ يۋۋيلين قالاسىندا وتكەن.

kazakcnr.com سايتىنىڭ مالىمەتىنشە، توقتاربەك تاڭاتقان ۇلى - قانات يسلام جانە مامەتتۇرسىن چوڭنان كەيىنگى قىتاي اتىنان وليمپيادالىق ويىندارعا قاتىسقان 3-شىڭجاڭدىق بوكسشى.

ايتا كەتەيىك، 21- قىركۇيەكتە شىڭجاڭ كومانداسىنىڭ سپورتشىسى توقتاربەك تاڭاتقان ۇلى التىن مەدالدى السا، ەكىنشى ورىندى ياعني كۇمىس مەدالدى بەيجىڭ كومانداسىنىڭ مۇشەسى قانداسىمىز ۇلپار قارقىن ۇلى يەلەنگەن.

ال ءۇشىنشى ورىندى حەنان كومانداسىنان چجاو مەنيان مەن شاندۋندىق بىلعارى قولعاپ شەبەرى تاو مينسي قاناعات تۇتتى.

توقتاربەك تاڭاتقان ۇلى 1998-جىلى 18- قاراشادا التاي ايماعى التاي قالاسى الاعاق قالاشىعىندا دۇنيەگە كەلگەن. ول ۇيدەگى ۇلدىڭ ەكىنشىسى. اعاسى جاقىپبەك تاڭاتقان ۇلىنىڭ ايتۋىنشا، توقتاربەك كىشكەنتاي كەزىنەن سپورت شارالارىنا بەلسەندى قاتىسىپ كەلەدى.

توقتاربەك تاڭاتقان ۇلى 2008-جىلعى پەكين وليمپياداسىنا قاتىسقان شىنجاڭدىق تانىمال بوكسشى مامەتتۇرسىن چوڭنىڭ جارىسىن تاماشالاعان. سول كەزدە ول «وسكەندە مامەتتۇرسىن سياقتى سپورتشى بولعىم كەلەدى» دەگەن.

ج. تاڭاتقان ۇلىنىڭ ايتۋىنشا، ءىنىسى وسى ءسوزدى ايىتقاندا جانىنداعى كىشكەنتاي دوستارى مازاقتاپ كۇلىپتى. ال بۇگىندە توقتاربەكتىڭ سول بالالىق ارماندارى ورىندالىپ جاتىر. قىتايدىڭ التاي ايماعىنداعى بەلگىلى بوكس جاتتىقتىرۋشىسى مۇرات بوشاي ۇلىنىڭ نازارىنا توقتاربەك ءوز اۋىلىندا دوپ ويناپ جۇرگەن جەرىنەن ىلىنەدى.

ول كەزدە توقتاربەك تاڭاتقان ۇلى 12 جاستا بولعان. «بويى 1 مەتر 30 سانتيمەتر شاماسىنداعى بالانىڭ دوپ تەۋىپ جۇرگەنىن الىستان كوزىم شالدى. ونىڭ قارقىنى مەن كۇشىنىڭ وتە جاقسى ەكەنىن بايقادىم. سونىمەن جانىما شاقىرىپ الىپ، بوكسقا قىزىعۋشىلىعىن سۇرادىم. ول ماعان ەلىمىزدەگى ءوزى جاقسى تانيتىن بوكسشىلاردىڭ اتىن ايتىپ بەردى...»، دەيدى تانىمال بوكس جاتتىقتىرۋشىسى مۇرات بوشاي ۇلى.

ءسويتىپ 15 كۇننەن سوڭ توقتاربەك تاڭاتقان ۇلى ءوز اۋىلىنان 100 شاقىرىمنان ارتىق الىستاعى مۇرات بوشاي ۇلى تۇراتىن قابا اۋدانىنا بارىپ وقيدى. اتالعان اۋدانداعى ورتا مەكتەپتىڭ جاتاقحاناسىندا تۇرىپ، ءبىلىم ورداسىنىڭ بوكس بولىمىندەگىلەرمەن بىرگە ماشىقتانا باستايدى.

«سودان بەرى 13 جىل وتە شىقتى. بولاشاقتا باتىر بولۋدى ارمانداعان جاس جەتكىنشەك قازىرگى ۋاقىتتا حالىقارالىق دەڭگەيدەگى بوكس الاڭدارىندا ونەر كورسەتىپ، قىتاي بوكس سالاسىنداعى تاڭداۋلى سپورتشىعا اينالدى»، - دەپ تۇيىندەيدى قىتايدىڭ kazakcnr.com اقپاراتتىق پورتالى.

ايتا كەتەيىك، وسى جولعى قىتاي چەمپيوناتىندا كۇمىس مەدالدى ەنشىلەگەن ۇلپار قارقىن ۇلى بۇگىنگى كۇنى بوكس الەمىندە وزىندىك اتى شىعىپ جۇرگەن سپورتشىلاردىڭ ءبىرى. قازىر بوكستان بەيجىڭ كومانداسىندا ونەر كورسەتىپ ءجۇر.

«ەۋروپادا تۇراتىن قازاقتاردىڭ كىشى قۇرىلتايى ءوتتىKaznews»

دۇنيەجۇزى قازاقتارىنىڭ قاۋىمداستىعى» رقب ۇيىمداستىرۋىمەن ىستامبۇل قالاسىندا تۇركيا جانە ەۋروپادا تۇراتىن قانداستارىمىزدىڭ قاتىسۋىندا كىشى قۇرىلتاي ءوتتى، - دەپ حابارلايدى Kaznews پورتالى.

موڭعوليالىق ب ا ق- تىڭ كەلتىرگەن مالىمەتىنشە، كىشى قۇرىلتايعا «وتانداستار قورى» ك ە ا ق ۆيتسە-پرەزيدەنتى ماعاۋيا سارباسوۆ قاتىستى. ءىس-شارا اياسىندا شەتتەگى قانداستارعا كورسەتىلەتىن مادەني-گۋمانيتارلىق، ءبىلىم بەرۋ، قازاق ءتىلىن وقىتۋ جانە باسقا سالالاردا اتقارىلاتىن جۇمىستار جايىندا بايانداما جاسالىپ، ءتۇرلى ۇسىنىستار تالقىعا سالىندى.

ماعاۋيا سارباسوۆ قازاقستانداعى «ءبىر تەرەزە» قاعيداتىنىڭ قانداستار ءۇشىن جەڭىلدىكتەرى كوپ ەكەنىن ايتقان.

ونىڭ ايتۋىنشا، شەتەلدەن قونىس اۋدارعان ەتنيكالىق قازاقتار كورسەتىلەتىن قىزمەتتەردى بۇرىن ءار ءتۇرلى مەملەكەتتىك ورگانداردان الىپ كەلگەن. بۇگىنگى كۇنى قانداستارعا ارنالعان بارلىق مەملەكەتتىك قىزمەتتەر «ءبىر تەرەزە» قاعيداتىنا سايكەس وڭتايلاندىرىلىپ، «حالىققا قىزمەت كورسەتۋ ورتالىقتارى» ارقىلى جۇرگىزىلۋدە.

ماعاۋيا قاناپيا ۇلىنىڭ كەلتىرگەن دەرەگىنە سۇيەنسەك، ينتەگراتسيالىق جۇمىستاردىڭ ناتيجەسىندە قانداستار تاپسىراتىن بارلىق قۇجاتتار سانى 3 ەسەگە، ياعني 46 دان 16 عا جانە ولاردى قاراۋ مەرزىمى 2 ەسەگە، 6 ايدان 3 ايعا قىسقارعان. قازاقستانعا كوشىپ كەلۋگە نيەت بىلدىرگەندەر «وتانداستار قورى» ك ە ا ق جانىنان قۇرىلعان «قانداستاردى اقپاراتتىق قولداۋ ورتالىعىنىڭ» 1404 تەگىن نومىرىنە حابارلاسىپ، كەز كەلگەن مالىمەت الا الادى.

سونداي-اق، قونىس اۋدارۋعا بەل بۋعان ەتنيكالىق قازاقتارعا ارنالعان «ەrulik.kz» (ەرۋلىك. كز) ۆەب-پلاتفورماسى ازىرلەنگەن.

«قازاقستانعا قونىس اۋدارعىسى كەلەتىن قانداستارىمىز ءۇشىن «erulik.kz» ۆەب-پلاتفورماسى ازىرلەندى. ۆەب-پلاتفورما ارقىلى الەمنىڭ كەز كەلگەن تۇكپىرىنەن قانداستاردى قابىلداۋدىڭ وڭىرلىك كۆوتاسى قاراستىرىلعان 5 وبلىستىڭ الەۋمەتتىك-ەكونوميكالىق دامۋ دەڭگەيىمەن تانىسۋعا جانە قونىس اۋدارۋعا قولايلى ەلدى-مەكەندەردى تاڭداۋعا بولادى.

اتاپ ايتقاندا، بوس تۇرعىن-جايلار، ينفراقۇرىلىم، الەۋمەتتىك مەكەمەلەر، ەكونوميكالىق الەۋەتى، بوس جۇمىس ورىندارى جانە باسقا دا اقپاراتتار ۇسىنىلعان»، - دەپ جازادى Kaznews اقپاراتتىق پورتالى.

قازاقستاندا «يران تاريحى، مادەنيەتى جانە بۇگىنى» اتتى ونلاين كورمە ءوتتى - Parstoday

قازاقستاننىڭ ۇلتتىق مۇراجايى يران يسلام رەسپۋبليكاسىنىڭ ەلشىلىگى جانە مادەني وكىلدىگىمەن ىنتىماقتاسا وتىرىپ، 2021-جىلى 2 - قىركۇيەكتەن بەرى «يران تاريحى، مادەنيەتى جانە بۇگىنى» اتتى ونلاين كورمە وتكىزۋدە، دەپ حابارلايدى يراندىق ب ا ق.

يران يسلام رەسپۋبليكاسىنىڭ قازاقستانداعى مادەني وكىلى ءالي اكبار تالەبي ءماتيننىڭ ايتۋىنشا، كورمەنىڭ ماقساتى يران مادەنيەتى مەن وركەنيەتىن قازاق حالقىنا كوبىرەك تانىستىرۋ بولدى. كورمە الەۋمەتتىك جەلىلەردە تىكەلەي كورسەتىلدى.

ويتكەنى قازىر وقىرماندار قاجەتتى اقپاراتتى وسى پلاتفورمالاردان الادى.

ايتا كەتەيىك، كورمەدە ەجەلگى يراننان زاماناۋي يرانعا دەيىنگى ارالىق قامتىلعان. بۇل ۆيدەودا يراننىڭ تاريحي-ارحيتەكتۋرالىق ەسكەرتكىشتەرى، يراندىقتاردىڭ سالت-ءداستۇرى مەن ادەت-عۇرىپتارى، تانىمال تۇلعالار مەن ايگىلى قالالار كورسەتىلگەن. قازاقستاندا ومار حايام، ساعدي شيرازي مەن دجالالەددين رۋميدىڭ كوبىرەك تانىمال ەكەنىن ايتا كەتۋ كەرەك.

سوندىقتان اباي قۇنانباي، شاكارىم قۇدايبەردى ۇلى جانە باسقا دا قازاقتىڭ اقىندارى پارسى ءتىلىن بىلگەن.

«بۇگىندە ي ي ر - حالىقارالىق تۋريزم ءۇشىن تارتىمدى ەلدەردىڭ ءبىرى. يراندا كوپتى كورگەن تۋريستىڭ ءوزىن تاڭقالدىراتىن تارتىمدىلىقتار بار. ەلدە تاريحي-ارحيتەكتۋرالىق ەسكەرتكىشتەر وتە كوپ. يراننىڭ ەۋرازيا قۇرلىعىنداعى ءرولى ماڭىزدى. بۇگىندە يران - ازياداعى ەڭ دامىعان ەلدەردىڭ ءبىرى. ەلدىڭ حالىقارالىق ساحناداعى ورنى جوعارى»، دەپ جازادى Parstoday.

وتانداستار قورى بايقاۋ جاريالادى - «ءو ز ا»

وتانداستار قورى ۇيىمداستىرعان بايقاۋعا 12-18 جاس ارالىعىنداعى مەكتەپ وقۋشىلارى قاتىسا الادى، دەپ حابارلادى «ءو ز ا» مەملەكەتتىك اقپارات اگەنتتىگى.

«بايقاۋعا قاتىسۋشىلار وزدەرىنىڭ بايقاۋ جۇمىستارىن @otandastar_qory ينستاگرام پاراقشاسىن جانە #otandastar_qazaqpoeziasy حەشتەگىن بەلگىلەپ، ينستاگرام الەۋمەتتىك جەلىسىنە سالۋ كەرەك. 16- قازانعا دەيىن جالعاساتىن اتاۋلى بايقاۋدىڭ جەڭىمپازدارى قىمبات باعالى سىيلىقتارمەن ماراپاتتالادى»، دەپ جازادى وزبەكستاندىق ب ا ق.

ايتا كەتۋ كەرەك، بايقاۋ جايلى تولىق اقپاراتتى وتانداستار قورىنىڭ رەسمي پاراقشاسىنان الۋعا بولادى. اۆتور:

بەيسەن سۇلتان

سوڭعى جاڭالىقتار