تەرى ەكسپورتىنان وتاندىق وندىرۋشىلەر 2 ميلليون دوللاردان استام پايدا تاپتى

بۇل وتكەن جىلدىڭ كورسەتكىشمەن سالىستىرعاندا % 73,3 جوعارى. ق ر يندۋستريا جانە ينفراقۇرىلىمدىق دامۋ مينيسترلىگى «QazIndustry» قازاقستاندىق يندۋستريا جانە ەكسپورت ورتالىعى» ا ق ماماندارىنىڭ ايتۋىنشا، بىلعارى يلەۋ جانە وڭدەۋ كاسىپورىندارى ەلىمىزدىڭ 11 وڭىرىندە ورنالاسقان. وسى سالاداعى كاسىپورىنداردىڭ كوپشىلىگى شىمكەنت قالاسىندا شوعىرلانعان (7 كاسىپورىن). سونداي- اق وندىرۋشىلەر الماتى، قوستاناي، جامبىل، اقتوبە، قىزىلوردا، پاۆلودار، سولتۇستىك قازاقستان، شىعىس قازاقستان وبلىستارىندا جانە رەسپۋبليكالىق ماڭىزى بار نۇر- سۇلتان، الماتى قالالارىندا دا بار.

بۇگىنگى تاڭدا قازاقستاندا بىلعارى يلەۋمەن 1 ورتا كاسىپورىن (الماتى بىلعارى زاۋىتى) جانە 27 شاعىن بيزنەس كاسىپورنى («كازيتالكوجا» ج ش س، «كازاحليدەرمەح» ج ش س، «پەتروپاۆل بىلعارى زاۋىتى» ج ش س، «تاراز بىلعارى زاۋىتى» ج ش س، «كامشات- اسەل» ج ش س جانە ت. ب. ) اينالىسادى.

ءىرى قارا مال تەرىسىنەن جاسالعان بىلعارى ءوندىرىسىنىڭ كولەمى 2021 -جىلدىڭ 6 ايى ىشىندە 54 ميلليون شارشى دم. قۇرادى، وتكەن جىلمەن سالىستىرساق % 15,2 جوعارى. جەرگىلىكتى نارىقتا وتاندىق بىلعارىنى از مولشەردە اياق كيىم ونىمدەرىن (نەگىزىنەن اسكەري جانە ارنايى اياق كيىم ءۇشىن) جانە بىلعارىدان جاسالعان تاۋارلاردى (سومكەلەر، بەلدىكتەر) وندىرۋشىلەر ساتىپ الادى، قالعانى - ەكسپورتتالادى. قازاقستاندىق تەرىنىڭ نەگىزگى ساتىپ الۋشىلارى قىتاي، ءۇندىستان، يتاليا، تۇركيا، ۋكراينا جانە يسپانيا سياقتى ەلدەر.