ۇلتتىق بانك قويماسىندا 2 تريلليون تەڭگەنى تەرميت جەپ قويعانى جايلى اقپارات – فەيك
الەۋمەتتىك جەلىلەر مەن مەسسەندجەرلەردە «قازاقستان رەسپۋبليكاسى ۇلتتىق بانكىنىڭ باس قويماسىندا 2 تريلليون تەڭگە مولشەرىندەگى ۇلتتىق ۆاليۋتا كۋپيۋرالارىنىڭ جاڭا شىعارىلىمى جوعالىپ كەتكەنى» تۋرالى حابارلاما تاراپ جاتىر. بۇل - فەيك.
بۇل پوست @qazinform24 ساتيرالىق اككاۋنتىندا جاريالاندى. وندا ويدان شىعارىلعان جاڭالىقتار مەن شىنايى ەمەس حابارلامالار جاريالانادى. بۇل تۋرالى پاراقشانىڭ پروفيلىندە جازىلعان: «ساتيرالىق كونتەنت. فەيك- نيۋس».
جەلى قولدانۋشىلارى ساتيرالىق پاراقشاداعى جاريالانىمداردى بۇعان دەيىن دە شىنايى اقپارات رەتىندە ۇسىنعان. رەسۋرس بۇعان دەيىن دە وسىعان ۇقساس جاعدايلار تۋرالى جازعان بولاتىن. Stopfake اقپارات كوزدەرىنە مۇقيات بولۋعا شاقىرادى.
جاڭالىقتىڭ شىنايىلىعىن ءبىزدىڭ پورتالدىڭ كومەگىمەن تەكسەرۋگە بولادى. ءوزىڭىزدى قىزىقتىرعان اقپاراتتى t.me/stopfake_kz Telegram-ارناسىنا نەمەسە 77077395599 WhatsApp نومىرىنە جىبەرىڭىز.