اتىراۋ وبلىسىندا 2 توننا بالىق قىرىلدى
«جايىق- كاسپي وبلىسارالىق باسسەيندىك بالىق شارۋاشىلىعى ينسپەكسياسىنىڭ قىزمەتكەرلەرى 9 -مامىردا رەيدتىك ءىس- شارالار جۇرگىزۋ كەزىندە قۇرمانعازى اۋدانىنىڭ قۇرمانعازى اۋىلىنان شامامەن 20 شاقىرىم جەردە شارون وزەنىنەن شىققان جىرا اۋماعىنداعى قامىستار اراسىنان قاراكوز بالىقتارىنىڭ قىرىلۋ فاكتىسى انىقتالدى. اتالعان اۋماقتا قىرىلعان شامامەن 2 توننا بالىق جەرگىلىكتى اتقارۋشى ورگان جانە قۇرمانعازى بالىق ينسپەكسياسىنىڭ قىزمەتكەرلەرىمەن جەرگە كومۋ ارقىلى جويىلاتىن بولادى. قازىرگى ۋاقىتتا بۇل جۇمىسقا اۋ قۇرالدارى، تارنسپورت پەن جۇمىسشى كۇشى تارتىلۋدا»، - دەلىنگەن كوميتەت تاراتقان اقپاراتتا.
بالىقتاردىڭ قىرىلۋىنا شارون وزەنىنە ءور سۋىنىڭ كەش كەلۋىنە بايلانىستى بالىق شاباقتارىنىڭ اعىسقا قارسى جۇزە الماۋى سەبەپ بولۋى مۇمكىن.
بۇل تۋرالى مۇددەلى مەملەكەتتىك جانە جەرگىلىكتى اتقارۋشى ورگاندار حاباردار ەتىلگەن. ەسكە سالا كەتەلىك، بۇدان بۇرىن اتىراۋدا 3 توننادان استام بالىق قۇتقارىلىپ، جايىق وزەنىنە جىبەرىلگەن بولاتىن.