پرەمەر-مينيستر: اي سايىن 2 ميلليون ادام ۆاكسينالانسىن

None
None
نۇر-سۇلتان. قازاقپارات - قازاقستاندا ۆاكسيناتسيالاۋ كەستەسىن ناقتى تۇردە ساقتاۋ كەرەك.

بۇل تۋرالى ۇكىمەت وتىرىسىندا ق ر پرەمەر-ءمينيسترى اسقار مامين ءمالىم ەتتى، دەپ حابارلايدى قازاقپارات ءتىلشىسى.

«ۆاكسيناتسيالاۋ گرافيگى ناقتى ساقتالسىن جانە ءساۋىر ايىندا، سونداي- اق مامىر مەن ماۋسىم ايلارىندا، جوسپار بويىنشا اي سايىن 2 ميلليون ادامدى ۆاكسيناتسيالاۋ قامتاماسىز ەتىلسىن. سوندىقتان دەنساۋلىق ساقتاۋ مينيسترلىگى مەن اكىمدىكتەرگە قوعامدىق ورىنداردى، سونىڭ ىشىندە ساۋدا ورتالىقتارىن پايدالانا وتىرىپ، ۆاكسيناتسيالاۋدىڭ قولجەتىمدىلىگىن قامتاماسىز ەتۋدى تاپسىرامىن»، - دەدى ا. مامين.

سونىمەن قاتار دەنساۋلىق ساقتاۋ مينيسترلىگى اقپارات مينيسترلىگىمەن جانە اكىمدىكتەرمەن بىرلەسىپ، حالىق ءۇشىن ۆاكسيانتسيالاۋدىڭ ماڭىزدىلىعى تۋرالى ءتۇسىندىرۋ جۇمىسىن جۇرگىزۋدى جالعاستىرۋى كەرەك.

«قوعام تەك سانيتارلىق نورمارلاردى ساقتاۋ جانە ۆاكسيناتسيالاۋ عانا پاندەميانىڭ تارالۋىن توقتاتىپ، ەكونوميكانىڭ ءوسۋىن قامتاماسىز ەتە الاتىنىن ءتۇسىنۋى كەرەك»، - دەدى ۇكىمەت باسشىسى. بۇدان بۇرىن حابارلانعانداي، اسقار مامين وڭىرلەردە سانيتارلىق نورمالار مەن بەتپەردە رەجيمىن ساقتاۋدى كۇشەيتۋ كەرەكتىگىن تاپسىردى.

اۆتور: رۋسلان عابباسوۆ

سوڭعى جاڭالىقتار