قازاقپارات كۇنتىزبەسى: 2- شىلدە

ديپلوماتيالىق قىزمەت كۇنى

قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ 2009-جىلعى شىلدەنىڭ 1 ىندەگى «1998-جىلعى 20- قاڭتارداعى قازاقستان رەسپۋبليكاسى پرەزيدەنتى جارلىعىنا تولىقتىرۋلار ەنگىزۋ تۋرالى» جارلىعىنا سايكەس اتاپ وتىلەدى.

حالىقارالىق سپورت جۋرناليستەرى كۇنى

حالىقارالىق سپورت باسپا ءسوزى قاۋىمداستىعىنىڭ باستاماسىمەن 1995-جىلدان باستاپ اتالىپ وتەدى. ءدال وسى كۇنى حالىقارالىق سپورت جۋرناليستەرىنىڭ قاۋىمداستىعى (اعىلشىنشا International Sports Press Association - AIPS) قۇرىلعان بولاتىن. ناقتى ايتقاندا، AIPS 1924 -جىلى 2- شىلدەدە قۇرىلدى.

دۇنيەجۇزىلىك ۋفولوگتار كۇنى

2- شىلدەدە بۇكىل الەمدە بەيمالىم ۇشاتىن وبەكت كۇنى نەمەسە ۋفولوگتار كۇنى (ب ۇ و - بەيمالىم ۇشاتىن وبەكت كۇنى، Unidentified Flying Object) اتاپ وتىلەدى.

ەستە قالار وقيعالار

1996-جىلى قازاقستان رەسپۋبليكاسىنىڭ «ساياسي پارتيالار» تۋرالى زاڭى قابىلداندى.

1999 -جىلى استراحان قالاسىنان بۇرعىلاۋ بارجاسى سۋعا ءتۇسىرىلدى. بۇل شاراعا ق ر پارلامەنتى ءماجىلىسىنىڭ دەپۋتاتى، اقىن فاريزا وڭعارسىنوۆا قاتىسىپ، بۇرعىلاۋ بارجاسىنا «سۇڭقار» ەسىمىن بەردى. بارجانىڭ ۇزىندىعى - 85، ەنى - 53 مەتر، بۇرعىلاۋ مۇناراسىن قوسا ەسەپتەگەندەگى بيىكتىگى - 50 مەتر، سالماعى - 10000 توننا.

سۇڭقاردىڭ ءبىرىنشى بۇرعىلاۋ جۇمىستارى شىعىس قاشاعاننان باستاۋ الدى.

2010 -جىلى «ارسەلورميتتال تەمىرتاۋ» اق مەتاللۋرگيالىق كومبيناتىنىڭ 4№ دومنا پەشىندە قازاقستان ماگنيتىنىڭ 50 جىلدىعىنا وراي، مەرەيتويلىق شويىن شىعارۋ سالتاناتى ءوتتى.

2011 -جىلى بەيبىتشىلىك جانە كەلىسىم سارايىندا الەمدە جالعىز ەكشن جانرىنداعى كينوفەستيۆالىنىڭ تۇساۋى كەسىلدى. بۇل كينوفەستيۆالدىڭ نەگىزىن سالۋشى جانە پرەزيدەنتى - تانىمال رەجيسسەر، پروديۋسەر تيمۋر بەكمامبەتوۆ.

2013 -جىلى قازاقستان رەسپۋبليكاسىنىڭ ۇلتتىق عارىش اگەنتتىگىنە باعىنىستى «رەسپۋبليكالىق عارىشتىق بايلانىس ورتالىعى» ا ق الماتى وبلىسىنىڭ ىلە اۋدانىندا ورنالاسقان عارىشتىق ينفراقۇرىلىمنىڭ جاڭا نىسانىنا يە بولدى. جاڭا نىسان حالىقارالىق ستاندارتتارعا ساي ەڭ زاماناۋي تەحنيكالىق قۇرىلعىلارمەن جابدىقتالعان.

2013 -جىلى قازاقستاننىڭ شەت ەلدەرمەن ديپلوماتيالىق قارىم-قاتىناس ورناتقانىنا 20 جىل تولۋىنا ارنالعان ماركالاردى اينالىمعا ەنگىزۋ ءراسىمى ءوتتى. پوشتالىق ماركادا ق ر پرەزيدەنتى نۇرسۇلتان نازاربايەۆ جانە مەملەكەتتىك تۋ فونىنداعى قازاقستاننىڭ تەرريتوريالىق بەدەرى كۇن ساۋلەسىمەن بەينەلەنگەن، ونىڭ استىندا قالىقتاپ ۇشقان قىران قۇسى.

كوركەمدىك بلوك جيەگىندە قازاقستان رەسپۋبليكاسى ديپلوماتيالىق بايلانىس ورناتقان مەملكەتتەردىڭ تۋلارى بەينەلەنگەن.

2014 -جىلى استانادا قازاقستان رەسپۋبليكاسى ۇلتتىق مۋزەيى اشىلدى. بۇل - ورتالىق ازياداعى بىرەگەي جوبا. 74 مىڭ شارشى مەتردەن استام اۋماقتا قازاقستاننىڭ ارحەولوگيالىق، ەتنوگرافيالىق، تاريحي-مادەني ەسكەرتكىشتەرى جينالعان. ۇلتتىق مۋزەيدە استانا زالى، تاۋەلسىز قازاقستان زالى، التىن زالى، كونە جانە ورتاعاسىرلىق تاريح زالى، تاريح زالى، ەتنوگرافيا زالى، قازىرگى زامان ونەرى زالى بار.

2015 -جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتى «ماناس» 1- دارەجەلى وردەنىمەن ماراپاتتاۋ تۋرالى» قىرعىزستان پرەزيدەنتىنىڭ جارلىعى شىقتى.

2016 -جىلى قازاقستاندىق ارحەولوگتار ءبىزدىڭ ەرامىزعا دەيىنگى 1- عاسىرداعى وتباسىلىق قازبالاردى تاپتى. ولاردىڭ دنق قۇرامىن انىقتاۋ ءۇشىن ارنايى جاپون گەنەتيكتەرى شاقىرىلدى.

بۇدان وزگە، ارحەولوگتار بەرەل قورىمدارىنداعى پاتشالار القابىنان ءبىزدىڭ ەرامىزعا دەيىنگى III- IV عاسىرلىق مۇرالاردى جانە پاتشا وتباسىنىڭ زيراتىن تاپتى.

2017 -جىلى قازاقستاندىق جۇزگىش دميتريي بالاندين بولگاريادا وتكەن اشىق چەمپيوناتتا ەكىنشى مەدال يەلەندى. ول 50 مەترگە ءجۇزۋ بويىنشا «قولا» جۇلدە جەڭىپ الدى. بۇعان دەيىن ول 100 مەترگە ءجۇزىپ، التىن مەدال ەنشىلەگەن بولاتىن.

2018 -جىلى استانا ب ۇ ۇ باستاماسىمەن «اقىلدى» تۇراقتى قالالار تۇرعىزۋ ماقساتىنا كۇش بىرىكتىرۋ» جوباسىنا كىرۋ تۋرالى رەسمي حات الدى. استانانىڭ جاڭا حالىقارالىق باستاماعا كىرۋىن راستايتىن حاتتى Astana Innovations باسشىسى الىشەر ءابدىقادىروۆ الدى.

2019 -جىلى ەلوردادا «استانا» حالىقارالىق قارجى ورتالىعىنىڭ سوتى مەن حالىقارالىق تورەلىك ورتالىعى اشىلدى.

بۇل راسىمگە قازاقستان پرەزيدەنتى قاسىم-جومارت توقايەۆ قاتىستى. اتالعان قۇقىقتىق ينستيتۋتتار اعىلشىن قۇقىقتىق قاعيداسى نەگىزىندە جۇمىس ىستەيدى. Astana Finance Days حالىقارالىق فورۋمى اياسىندا ءوتىپ جاتقان شارادا قارجى ورتالىعىنىڭ ءبىر جىلدىق جۇمىس ناتيجەسى قورىتىندىلانىپ، ورتالىقتى باسقارۋ جونىندەگى كەڭەستىڭ وتىرىسى ءوتتى.

پرەزيدەنت فورۋمعا ارنايى كەلگەن ءبىرقاتار دەلەگاتتارمەن كەزدەسۋ وتكىزىپ، قارجى ورتالىعىن ارى قاراي دامىتۋعا باعىتتالعان ناقتى ماسەلەلەردى تالقىلادى.