گەرمانيادا جوعارعى وقۋ ورىنىنىڭ تۇلەكتەرى اراسىندا جۇمىسسىزدىق كورسەتكىشى 2 پايىزدى قۇرايدى
جوعارى وقۋ ورىندارىن بىتىرگەن تۇلەكتەردىڭ كوبى تەز جۇمىسقا ورنالاسادى. رەسمي دەرەككە سۇيەنسەك، ولاردىڭ اراسىندا جۇمىسسىزدىق 2 پايىزدى عانا قۇرايدى. جالپى، بۇل ەلدە جىل سايىن جارتى ميلليون ادام جوعارى وقۋ ورنىنا تۇسەدى ەكەن.
ال وقۋشىلاردىڭ باسىم بولىگى مەكتەپتەن كەيىن جوعارى ءبىلىم الۋدى قالايدى. كاسىپتىك ۋچيليشەلەر دە كەڭىنەن تانىمال. ءبىراق وسىعان قاراماستان ەلدە دارىگەرلەر، پويىز جۇرگىزۋشىلەرى، قۇرىلىسشىلار سىندى ماماندار تاپشى. ايتا كەتەيىك، وتكەن جىلى گەرمانيادا 2 ميلليون 800 مىڭ ستۋدەنت بولعان.
ۆولفگانگ شپيسس، پوتسدام قالاسىنىڭ ساۋدا- ونەركاسىپتىك پالاتاسىنىڭ ديرەكتورى:
- ءبىزدىڭ براندەنبۋرگ وڭىرىندە كەي ماماندىق بويىنشا كادرلار جەتىسپەيدى. سوندىقتان ءبىزدىڭ ۇيىمىمىز جاستاردىڭ كاسىبي ءبىلىم الۋىنا قولداۋ كورسەتۋمەن دە اينالىسادى. بۇل ءۇشىن مەكتەپتەردە ارنايى ۇگىت- ناسيحات جۇمىستارى جۇرگىزىلەدى. سونداي- اق وقۋشىلاردىڭ كاسىپكەرلەرمەن كەزدەسۋىن ۇيىمداستىرىپ، ىنتىماق ورناتامىز.
www.24.kz