20:57, 06 - جەلتوقسان 2021 | GMT +6
باتىر جۇكەمبايەۆ 28 رەت جەڭىسكە جەتكەن مەكسيكالىقپەن جەكپە-جەك وتكىزەدى
نۇر-سۇلتان. قازاقپارات - ءبىرىنشى ورتا سالماقتاعى قازاقستاندىق بوكسشى باتىر جۇكەمبايەۆ (18-1، 14 ك و) 11- جەلتوقسان كۇنى كەلەسى جەكپە-جەگىن وتكىزەدى، دەپ حابارلايدى قازاقپارات ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىنا سىلتەمە جاساپ.
ايقاس ا ق ش- تىڭ ۆيردجينيا شتاتىنداعى سپرينگفيلد قالاسىندا وتەدى.
ول تاجىريبەلى مەكسيكالىق بوكسشى حۋان حوسە الۆارەسپەن (28-10، 20 ك و) كەزدەسەدى. كەزدەسۋ التى راۋندقا جوسپارلانعان.
جۇكەمبايەۆ بۇنىڭ الدىنداعى ايقاسىن وسى جىلدىڭ مامىرىندا ا ق ش- تىڭ كاليفورنيا شتاتىنداعى كارسون قالاسىندا وتكىزگەن ەدى.
ول پۋەرتوريكالىق سابريەل ماتياستان (17-1، 17 ك و) جەڭىلگەن ەدى.
بۇل ب. جۇكەمبايەۆتىڭ كاسىبي مانسابىنداعى العاشقى جەڭىلىسى.