قوستانايدا جولداردى قايتا جوندەۋ كەزىندە 27 ميلليون تەڭگەدان استام قارجى جىمقىرىلعان
كوپ جاعدايدا كولىك جولدارىن جوندەۋ سالاسىندا بيۋدجەت قاراجاتىن جىمقىرۋ جۇمىستىڭ بەلگىلەنگەن كولەمىن ورىنداماۋ نەمەسە ساپاسىز ورىنداۋ، سونداي- اق ورىندالعان جۇمىستاردىڭ اكتىلەرىنە جالعان مالىمەتتەر ەنگىزۋ جولىمەن ىسكە اسادى. وسىنداي دەرەكتەردىڭ ءبىرىن قارجىلىق مونيتورينگ اگەنتتىگىنىڭ قوستاناي وبلىسى بويىنشا اۋماقتىق دەپارتامەنتى انىقتادى. تەرگەۋ مالىمەتتەرى بويىنشا، مەردىگەر «Galara» ج ش س مەن قوستاناي قالاسى اكىمدىگىنىڭ تۇرعىن ءۇي- كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمى اراسىندا 612 ميلليون تەڭگەدەن استام سوماعا قوستاناي قالاسىنىڭ نابەرەجنايا كوشەسىن قايتا جوندەۋ شارتى جاسالعان.
«Galara» جشس باس ديرەكتورى ت ك ش ءبولىمى ينسپەكتورىنىڭ كومەگىمەن ءىس جۇزىندە كورسەتىلمەگەن (قۇم- قيىرشىق تاس قوسپاسىنان، ۇساق تاستان جاسالعان نەگىزدەردىڭ توسەيتىن جانە تەگىستەيتىن قاباتتارىن ورناتۋ بويىنشا) قوسىمشا قىزمەتتەر بويىنشا ورىندالعان جۇمىستاردىڭ جالعان اكتىسىن ۇسىندى.
«جالعان اكت نەگىزىندە ج ش س ەسەپشوتىنا 27 ميلليوننان استام تەڭگە نەگىزسىز اۋدارىلدى. كاسىپورىن ديرەكتورى مەن ءبولىم قىزمەتكەرى 5 جىلعا باس بوستاندىعىنان ايىرىلدى» ، - دەلىنگەن ق ر ق م ا باسپا ءسوز قىزمەتى تاراتقان اقپاراتتا.