قازاقپارات كۇنتىزبەسى: 27- قاڭتار

None
None
نۇر-سۇلتان. قازاقپارات - قازاقپارات وقىرماندارىنا 2021-جىلعى 27- قاڭتارعا ارنالعان كۇنتىزبەسىن ۇسىنادى.

اتاۋلى كۇندەر

حالىقارالىق حولوكوست قۇرباندارىن ەسكە الۋ كۇنى

2005 -جىلدىڭ 1- قاراشاسىندا بىرىككەن ۇلتتار ۇيىمى باس اسسامبلەياسى بەكىتكەن. 1945 -جىلى قاڭتاردىڭ 27 سىندە وسۆەنتسيم كونتسلاگەرى تۇتقىندارى ازات ەتىلگەن بۇل كۇندى ءبىرقاتار ەلدەر اتاپ وتەدى.

وسۆەنتسيم كونتسلاگەرى 1940 -جىلى ساياسي تۇتقىندار ءۇشىن سالىندى. لاگەردە 5 جىلدىڭ ىشىندە 28 ۇلتتىڭ 1,5 ميلليون ادامى قازا بولدى. 1979 -جىلى يۋنەسكو كونتسلاگەردى حالىقارالىق ماڭىزداعى ەسكەرتكىشتەر تىزىمىنە ەنگىزدى.

ەستە قالار وقيعالار

1990 -جىلى قازاق ك س ر مەملەكەتتىك قۇرىلىس باسقارماسىنىڭ بۇيرىعىمەن قازاق مەملەكەتتىك جوبالىق جانە عىلىمي-زەرتتەۋ ينستيتۋتىنىڭ عىلىمي ءبولىمى بازاسىندا قازاق سەيسميكالىق ءتوزىمدى قۇرىلىس جانە ساۋلەت عىلىمي-زەرتتەۋ جانە جوبالاۋ-ەكسپەريمەنتالدىق ينستيتۋتى («قاز س ق ع ز ي») قۇرىلدى. قاز س ق ع ز ي- ءدىڭ العاشقى ديرەكتورى بولىپ ينجەنەر- قۇرىلىسشى، تەحنيكا عىلىمدارىنىڭ دوكتورى، پروفەسسور، اكادەميك تولەۋباي ءجۇنىسوۆ تاعايىندالدى.

1992 -جىلى وسكەمەندەگى مىس- قورعاسىن كومبيناتىندا سالماعى 10,5 كەلى قازاقستاننىڭ تۇڭعىش التىن كەسەگى ءوندىرىلدى.

1993 -جىلى رەسپۋبليكا استاناسى الما-اتا قالاسىنىڭ اتاۋى رەسمي تۇردە الماتى بولىپ وزگەرتىلدى.

2005 -جىلى قازاقستان رەسپۋبليكاسى قارجى نارىعى مەن قارجى ۇيىمدارىن رەتتەۋ جانە قاداعالاۋ اگەنتتىگى «قازىناشىلىق» دەپ اتالاتىن قازاقستانداعى العاشقى اشىق ينۆەستيتسيالىق قوردى تىركەدى.

2006 -جىلى «قازپوشتا» اكتسيونەرلىك قوعامى اۋباكىر ىسمايىلوۆتىڭ شىعارماشىلىعىنا ارنالعان «بەينەلەۋ ونەرى» سەرياسىنىڭ پوشتا ماركاسىن اينالىمعا ەنگىزدى. ماركادا سۋرەتشىنىڭ 1928 -جىلى سالعان اباي پورترەتى بەينەلەنگەن. سوڭعى 10 جىل توڭىرەگىندە گ. ىسمايلوۆانىڭ «قىز جىبەك»، س. كالمىكوۆتىڭ «فانتاستيكالىق ناتيۋرمورت» ، ح. ناۋرىزبايەۆتىڭ «شوپان پورترەتى»، ج. شاردەنوۆتىڭ «بيىك تاۋلار»، م. كەنبايەۆتىڭ «اساۋعا قۇرىق سالۋ»، ا. عالىمبايەۆانىڭ «كەسەدەگى قىمىز»، س. ايتبايەۆتىڭ «باقىت» سياقتى تۋىندىلارى «بەينەلەۋ ونەرى» سەرياسىمەن پوشتا ماركالارىندا بەينەلەنگەن بولاتىن.

2010 -جىلى ماسكەۋدە داڭقتى قولباسشى، كەڭەس وداعىنىڭ باتىرى، جازۋشى باۋىرجان مومىش ۇلىنىڭ 100 جىلدىق مەرەيتويىنا ورايلاستىرىلعان «اڭىزعا اينالعان باتىر» («لەگەندارنىي باتىر») اتتى جيناعى جارىق كوردى.

قازاق جانە ورىس تىلىندە شىعارىلعان جيناققا حالىق باتىرى باۋىرجان تۋرالى قازاق جازۋشىلارى شەرحان مۇرتازا، ەلەنا ءالىمجانوۆا، مۇحامەدجان كاتيمحاننىڭ ەستەلىك شىعارمالارى جانە ماسكەۋدىڭ مۇراعاتتارىندا ساقتالعان بۇرىن جاريالانباعان باۋىرجان مومىش ۇلىنىڭ كۇندەلىكتەرى كىردى.

2011 -جىلى مەملەكەت باسشىسى «2011 -جىلدى قازاقستان رەسپۋبليكاسى تاۋەلسىزدىگىنىڭ 20 جىلدىعى دەپ جاريالاۋ تۋرالى» جارلىققا قول قويدى.

2011 -جىلى ق ر ۇلتتىق بانكى قازاقستان رەسپۋبليكاسىنداعى 2011 -جىلعى 7-قىسقى ازيا ويىندارىنا ارنالعان نومينالى 50 مىڭ تەڭگەلىك ەستەلىك التىن مونەتانى اينالىمعا شىعاردى. مونەتا 999/1000 سىنامالى التىننان دايىندالعان، ماسساسى - 1000 گرام، ديامەترى - 100 م م، ساپاسى - «proof»، ءتيراجى - 145 دانا.

2012 -جىلى «قازپوشتا» ا ق «ەسكەرتكىش، مەرەيتويلىق داتالار جانە مەرەكەلەر» سەرياسىندا كورنەكتى مەملەكەت جانە پارتيا قايراتكەرى، ءۇش مارتە سوتسياليستىك ەڭبەك ەرى دىنمۇحامەد قونايەۆتىڭ 100 جىلدىعىنا ارنالعان كوركەمسۋرەتتى پوشتا ماركالارىن اينالىمعا شىعاردى.

2016 -جىلى جازۋشى، مەملەكەتتىك سىيلىقتىڭ يەگەرى، دراماتۋرگ اكىم تارازي ۇلتتىق اكادەميالىق كىتاپحاناعا ءوزىنىڭ جازعان كىتاپتارى، سونداي-اق، جەكە كىتاپحاناسىندا جيناعان وتە قۇندى 978 كىتاپتى تارتۋ ەتتى.

2017 -جىلى تاجىكستاندا رەسەي-تاجىك ۋنيۆەرسيتەتىنىڭ پروفەسسورى ابدۋساتتور نۋراليەۆتىڭ «تاجىكستان قازاقتارى» اتتى كىتابى جارىق كوردى. وندا تاجىكستاندا تۇراتىن قازاق دياسپوراسىنىڭ تاريحى، وسى ەلدى دامىتۋعا قوسقان ۇلەسى تۋرالى باياندالادى.

2017 -جىلى «قازاقستان مەملەكەتتىك- جەكە ارىپتەستىك ورتالىعى» العاش رەت «ورتالىق ازياداعى ۇزدىك اقىلدى ورتالىق» نوميناتسياسى بويىنشا الەمدىك ساراپتامالىق ورتالىقتار رەيتينگىنە كىردى.

2020 -جىلى چەحيانىڭ پراگا قالاسىنداعى «كلەمەنتينۋم» ۇلتتىق كىتاپحاناسىندا «اباي» مادەني- اقپاراتتىق ورتالىعىنىڭ سالتاناتتى تۇردە اشىلۋى ءوتتى.

2020 -جىلى داۋوستاعى دۇنيەجۇزىلىك ەكونوميكالىق فورۋم اياسىندا «استانا» حالىقارالىق قارجى ورتالىعى (ا ح ق و) مەن دامۋشى ەلدەردەگى جەتەكشى ستارتاپ-قاۋىمداستىق جانە ينۆەستور Seedstars كومپانياسى ءوزارا تۇسىنىستىك تۋرالى مەموراندۋمعا قول قويدى.

مەموراندۋمعا سايكەس، ا ح ق و مەن Seedstars اراسىنداعى ىنتىماقتاستىققا ستارتاپتارعا قولداۋ كورسەتۋ باعدارلامالارى مەن ەكوجۇيە ستارتاپتى دامىتۋ، سونداي-اق ورتالىق ازيا ايماعىنا ۆەنچۋرلىق قارجىلاندىرۋدى ەنگىزۋ كىرەدى.

سوڭعى جاڭالىقتار