+7 (701) 759 90 19
-20 °С : نۇر-سۇلتان
-8 °С : الماتى
USD 424.49 EUR 504.51
RUB 5.59 CNY 64.57
جاڭالىقتار

سولتۇستىك قازاقستاندا ادام ولتىرگەن 27 جاستاعى جىگىتتى قىزمەتتىك ءيت ۇستاپ بەردى

25 قازان 10:32
:ءبولىسۋ
سولتۇستىك قازاقستاندا ادام ولتىرگەن 27 جاستاعى جىگىتتى قىزمەتتىك ءيت ۇستاپ بەردى

پەتروپاۆل. قازاقپارات - سولتۇستىك قازاقستان وبلىسىندا 58 جاستاعى ەر ادامدى ولتىرگەن قىلمىسكەردى قىزمەتتىك ءيت ۇستاپ بەردى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، اققايىڭ اۋدانىندا 58 جاستاعى ەر ادامدى ءوز پاتەرىندە پىشاقتاپ كەتكەن. اۋداندىق پوليتسيا ءبولىمىنىڭ قىزمەتكەرلەرى كۇدىكتىنى انىقتادى.

الايدا بىرەر ۇيدەن كەيىن تۇراتىن 27 جاستاعى جىگىت تۇرعىلىقتى جەرىندە بولماي شىقتى.

كۇدىكتىنى انىقتاۋ ءۇشىن ەسىل اۋدانىنان كينولوگ شاقىرتىلىپ، ول قىزمەتتىك يتىمەن بىردەن ىزگە ءتۇستى. ەلدى مەكەن كوشەلەرىنىڭ بىرىندە كۇدىكتى ءتارتىپ ساقشىلارىن بايقاپ قالىپ قاشقانىمەن، كوپ ۇزاماي ۇستالدى.

قازىرگى تاڭدا قىلمىستىق ءىس سوتقا بەرىلدى. قىلمىستى اشۋعا كومەكتەسكەن امۋر اتتى نەمىس وۆچاركاسىنا 3,5 جىل عانا. ەسىل اۋداندىق پوليتسيا ءبولىمىنىڭ كينولوگ-ينسپەكتورى، پوليتسيانىڭ اعا لەيتەنانتى ۆيكتور رەيباندت بۇل يتپەن ەكى جىلدان بەرى جۇمىس ىستەيدى. وسى ارالىقتا ونىڭ كومەگىمەن 18 قىلمىس اشىلدى. نەگىزىنەن ۇرلىققا قاتىستى.

«امۋر تاجىريبەلى يتتەردىڭ ساناتىندا. ءىز كەسۋگە ۇيرەتىلگەن ول قىلمىسكەردى دە ءوزى توقتاتا الادى. ءبىراق بۇل جولى ەلدىمەكەن كوشەسىندە ادام كوپ بولعاندىقتان، ءتارتىپ ساقشىلارى كۇدىكتىنى وزدەرى ۇستادى. اسا اۋىر قىلمىستى «ءىزىن سۋىتپاي» اشۋعا كومەكتەسكەنى ءۇشىن التى جىلدىق ەڭبەك ءوتىلى بار ۆيكتور رەيباندت ماراپاتتالدى»، - دەيدى س ق و پ د كينولوگيالىق قىزمەت ورتالىعىنىڭ باستىعى سامات تولەبايەۆ.

جىل باسىنان س ق و- دا قىزمەتتىك يتتەردىڭ كومەگىمەن 730 ءتۇرلى قىلمىس اشىلدى. ونىڭ جارتىسى ۇرلىققا قاتىستى. سونداي-اق يتتەر 18 قاراقشىلىق شابۋىلدى جانە 4 كىسى ولىمىنە بايلانىستى قىلمىستى اشۋعا كومەكتەستى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات