الماتىدا 2748 ادام ۇستالىپ، 131 قارۋ-جاراق تاركىلەندى

None
None
الماتى. قازاقپارات - الماتىدا تەرروريزمگە قارسى وپەراتسيا بارىسىندا 2748 ادام ۇستالدى. بۇل تۋرالى الماتى قالاسى كومەنداتۋراسىنىڭ اقپاراتتىق ورتالىعى ءمالىم ەتتى، دەپ حابارلايدى قازاقپارات ءتىلشىسى.

كومەنداتۋرا مالىمەتىنشە، ارنايى وپەراتسيا بارىسىندا الماتىدا لاڭكەستىك، توناۋ جانە باسقا دا قىلمىستاردىڭ 2748 قاتىسۋشىسى ۇستالدى. 131 اتىس قارۋى مەن 4179 وق- ءدارى تاركىلەندى.

«وتكەن تاۋلىكتە «102» پۋلتىنە 437 حابارلاما كەلىپ ءتۇستى. كومەنداتۋرانىڭ كولل- ورتالىعىنا ازاماتتاردان جەدەل ارەكەت ەتۋدى تالاپ ەتەتىن 41 دابىل قابىلداندى. بارلىق حابارلاما دەر كەزىندە وڭدەلدى»، - دەيدى الماتى قالاسى كومەنداتۋراسىنىڭ رەسمي وكىلى سالتانات ازىربەك.

سونىمەن قاتار، ول تۇرعىنداردى كومەندانت ساعاتىن بۇزباۋعا شاقىردى.

سوڭعى جاڭالىقتار