قازگيدرومەت: 26-قىركۇيەك كۇنگى اۋا رايى بولجامى
فرونتالدى بولىكتەردىڭ اسەرىنەن جاڭبىر جاۋادى، ەلدىڭ سولتۇستىك، وڭتۇستىك جانە وڭتۇستىك-شىعىسىندا انتيتسيكلون جوتاسىنىڭ اسەرىنەن جاۋىن-شاشىنسىز كۇن رايى بولجانادى.
رەسپۋبليكانىڭ باسىم بولىگىندە جەل كۇشەيەدى، وڭتۇستىكتە، باتىستا - شاڭدى داۋىل، وڭتۇستىكتە - نايزاعاي، سولتۇستىگىندە تۇمان بولادى.
قازاقپارات بۇل تۋرالى قازگيدرومەتكە سىلتەمە جاساپ حابارلايدى.
اتاپ ايتقاندا، قوستاناي وبلىسىندا تۇندە جەل 15-20 م/س قۇرايدى، كۇندىز وبلىستىڭ سولتۇستىگىندە 23-28 م/س كۇشەيەدى.
سولتۇستىك قازاقستان وبلىسىندا تۇندە سولتۇستىك-باتىسىندا، كۇندىز باسىم بولىگىندە جەل 15-20 م/س كۇشەيەدى.
اقمولا وبلىسىندا تاڭەرتەڭ جانە كۇندىز باسىم بولىگىندە جەلدىڭ ەكپىنى 15-20 م/س ارتادى. تۇندە جانە تاڭەرتەڭ وبلىستىڭ وڭتۇستىك- شىعىسىندا تۇمان كۇتىلەدى.
قىزىلوردا وبلىسىندا كۇندىز ورتالىعىندا نايزاعاي، 15-20 م/س جىلدامدىقتاعى جەل، شاڭدى بولجانادى.
كۇندىز تۇركىستان وبلىسىنىڭ سولتۇستىگىندە، ماڭعىستاۋ وبلىسىنىڭ سولتۇستىك-شىعىسىندا شاڭدى داۋىل تۇرىپ، جەل 15-20 م/س كۇشەيەدى.
قاراعاندى وبلىسىنىڭ باتىسىندا، ورتالىعىندا جانە وڭتۇستىگىندە جەل 15-20 م/س كۇشەيەدى.
كۇندىز جامبىل وبلىسىنىڭ سولتۇستىك-شىعىسىندا، اتىراۋ وبلىسىنىڭ باتىسىندا، باتىس قازاقستان وبلىسىنىڭ سولتۇستىك-باتىسىندا، اقتوبە وبلىسىنىڭ وڭتۇستىگىندە جەلدىڭ كۇشى 15-20 م/س ارتادى.
تۇندە الماتى وبلىسىنىڭ سولتۇستىگىندە 2 گرادۋس ۇسىك ساقتالادى.