26- ساۋىردەن باستاپ تۇركياعا ۇشاتىن رەيستەر ايتارلىقتاي قىسقارادى
بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى حابارلادى.
«ۆەدومستۆوارالىق كوميسسيانىڭ ءتيىستى حاتتاماسىنا سايكەس 26 - ساۋىردەن باستاپ قازاقستان رەسپۋبليكاسى مەن تۇركيا رەسپۋبليكاسى اراسىنداعى رەيستەردىڭ جالپى سانىن اپتاسىنا 20 دان 9 رەيسكە دەيىن قىسقارتۋ تاپسىرىلدى» - دەپ جازىلعان باسپا ءسوز قىزمەتى ۇسىنعان مالىمەتتە.
ۆدوەمستوۆنىڭ رەسمي مالىمەتىندە كورسەتىلگەندەي، قىسقارتىلعان رەيستەردىڭ كەستەسى مىناداي: 20 - ساۋىردەگى جاعداي بويىنشا ەكى ەل اراسىنلا 7 باعىت بويىنشا اپتاسىنا 20 رەيس ورىندالادى:
- نۇر- سۇلتان - ىستانبۇل، 2 رەيس
- نۇر- سۇلتان - انتاليا، 1 رەيس
- الماتى - ىستانبۇل، 7 رەيس
- الماتى - انتاليا، 5 رەيس
- تۇركىستان - ىستانبۇل، 2 رەيس
- اقتاۋ - ىستانبۇل، 1 رەيس
- شىمكەنت - ىستانبۇل، 2 رەيس.
«رەيستەر سانى بويىنشا شەكتەۋلەر ەپيدەميولوگيالىق جاعداي جاقسارعانعا دەيىن قولدانىلادى»، - دەپ تولىقتىردى باسپا ءسوز قىزمەتى.