جاي ءتۇسىپ، 26 ادام قازا تاپتى

None
None
نۇر-سۇلتان. قازاقپارات - ءۇندىستاننىڭ شىعىسىنداعى بيحار شتاتىندا بەيسەنبى كۇنى جاي ءتۇسىپ، 26 تۇرعىن مەرت بولدى، دەپ حابارلايدى قازاقپارات Hindustan Times باسىلىمىنا سىلتەمە جاساپ.

بيحاردا قايعىلى جاعداي ءۇشىنشى رەت قايتالانىپ وتىر. 25- ماۋسىمدا تۇسكەن نايزاعاي سالدارىنان 92 ادام، ال 30- ماۋسىمدا 11 ادام قازا تاپقان.

جەرگىلىكتى بيلىك وكىلدەرىنىڭ حابارلاۋىنشا، توتەنشە جاعداي قىزمەتى قاۋىپتىڭ جوعارى دەڭگەيىن جاريالاعانىنا قاراماستان ادامدار كۇن كۇركىرەپ، نايزاعاي ويناعان كەزدە دە ەگىن القابىندا جۇمىس ىستەۋىن توقتاتپايدى.

بيحار ۇكىمەتىنىڭ ءمينيسترى نيتيش كۋمار قازا تاپقانداردىڭ وتباسىنا كوڭىل ايتتى.

سونىمەن قاتار ول ايماقتا جاڭبىر جاۋىپ، نايزاعاي جارقىلداپ جاتقاندىقتان شتات تۇرعىندارىن قاۋىپسىزدىك شارالارىن ساقتاۋعا شاقىردى.

سوڭعى جاڭالىقتار