الماتىداعى اۋەزوۆ مۋزەيى 25 جىلدان كەيىن جوندەۋدەن ءوتىپ جاتىر

None
None
الماتى. قازاقپارات - الماتىداعى اۋەزوۆ مۋزەيى 25 جىلدان كەيىن جوندەۋدەن ءوتىپ جاتىر.

بۇل تۋرالى قازاقپارات تىلشىسىنە م. و. اۋەزوۆ اتىنداعى ادەبيەت جانە ونەر ينستيتۋتتىڭ ديرەكتورى كەنجەحان ماتىجانوۆ ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، 2022-جىلى قازاقتىڭ ۇلى جازۋشىسى، قوعام قايراتكەرى مۇحتار ومارحان ۇلى اۋەزوۆتىڭ تۋعانىنا 125 جىل تولادى.

مەرەيتويعا دايىندىق جۇمىستارى قازىردەن باستالىپ كەتتى.

«كەلەسى جىلى مۇحتار اۋەزوۆتىڭ 125 جىلدىق مەرەيتويى. وعان دايىندىق جۇمىستارى باستالىپ كەتتى. بيىل جازۋشىنىڭ مۋزەيىن قايتا جاڭعىرتۋدان وتكىزىپ جاتىرمىز، سمەتالىق جوباعا سايكەس، رەسپۋبليكالىق بيۋجەتتەن 110 ميلليون تەڭگە بولىنگەن. جوندەۋ جۇمىستارىن «قازرەستاۆراتسيا» ر م ك جۇرگىزۋدە. مۋزەي 25 جىلدان كەيىن قايتا قالپىنا كەلتىرىلۋدە. قۇداي قالاسا، كەلەسى جىلى جاڭارتىلعان مۋراجايدىڭ قابىرعاسىندا 125 جىلدىق مەرەيتويىن اتاپ وتەمىز»، - دەدى ينستيتۋت ديرەكتورى كەنجەحان ماتىجانوۆ.

اۋەزوۆتىڭ ادەبي-مەموريالدىق مۋزەيى 1963-جىلى 28- قاراشادا اشىلدى. سول ۇيدە جازۋشى ءومىرىنىڭ سوڭعى 10 جىلىندا تۇرعان. مۋزەي ۇلى جازۋشىنىڭ مۇراسىن جيناقتاپ، ناسيحاتتاۋ، شىعارماشىلىق ءومىر جولى مەن قوعامدىق قىزمەتىن، ادەبيەت سالاسىنداعى ىزدەنىستەرىن جان-جاقتى تانۋ باعىتىندا عىلىمي-زەرتتەۋ جۇمىستارىن جۇرگىزەدى. مۋزەيدەگى ەكسپوناتتار 11 زالعا ورنالاستىرىلعان.

سوڭعى جاڭالىقتار