گۋمانيتارلىق كومەك: قازاقستاندىق ۆاكسينانىڭ 25 مىڭ دوزاسى قىرعىزستانعا جەتكىزىلدى

بۇل جايىندا قازاقستاننىڭ سىرتقى ىستەر مينيسترلىگى مالىمەت تاراتتى. ۆاكسينانى تاپسىرۋ ءراسىمى قىرعىزستان دەنساۋلىق ساقتاۋ ءمينيسترى الىمكادىر بەيشەناليەۆ، قازاقستان ەلشىسى ءراپىل جوشىبايەۆ پەن مەديتسينالىق ۇيىمدار وكىلدەرىنىڭ قاتىسۋىمەن ءوتتى.

مينيستر ا. بەيشەنالييەۆ ەلدە كوروناۆيرۋستىق ينفەكتسيانىڭ ودان ءارى تارالۋىنا قارسى ءىس- قيمىلدا ماڭىزدى قولداۋ كورسەتكەنى ءۇشىن قازاقستان تاراپىنا شىنايى ريزاشىلىعىن ءبىلدىردى.

«ءبىز Astra Zeneca, Sputnik V جانە باسقا دا شەتەلدىك ۆاكسينالارمەن قىرعىزستاندىقتار QazVac-پەن دە ەكپە الاتىنىنا قۋانىشتىمىز»، - دەپ اتاپ ءوتتى ول وسى ورايدا.

ونىڭ ايتۋىنشا، قازاقستاندىق ۆاكسينا حالىقتى ۆاكسينالاۋ پۋنكتتەرىنە جەدەل تاراتىلادى جانە ازاماتتاردىڭ كوروناۆيرۋستى جۇقتىرۋ قاۋپىن ازايتۋ بويىنشا رەسپۋبليكانىڭ مەديتسينالىق جۇيەسىنىڭ مۇمكىندىكتەرىن نىعايتادى. ءوز كەزەگىندە ر. جوشىبايەۆ ۆاكسينانى جەتكىزۋدى قازاقستان پرەزيدەنتى قاسىم- جومارت توقايەۆتىڭ قىرعىزستان پرەزيدەنتى سادىر جاپاروۆپەن كەلىسسوز ناتيجەسى بويىنشا بەرگەن تاپسىرماسىنا سايكەس قازاقستان ۇكىمەتى ۇيىمداستىرعانىن اتاپ ءوتتى.

«قىرعىزستان ءبىزدىڭ دوستارىمىز بەن حالىقارالىق سەرىكتەستەرىمىزدىڭ اراسىندا ءبىرىنشى بولىپ كوروناۆيرۋسقا قارسى قازاقستاندىق ۆاكسينا الادى، بۇل ەلدەرىمىز اراسىنداعى دوستىق پەن تاتۋ كورشىلەستىك قاتىناستارىن تاعى دا راستايدى»، - دەپ اتاپ ءوتتى ەلشى.

ول سونداي- اق قازاقستاننىڭ ىزگىلىك كومەگى كوپتەگەن ادام ءومىرىن قۇتقارۋعا جانە قىرعىزستانداعى سانيتارلىق- ەپيدەميولوگيالىق جاعدايدى جاقسارتۋعا كومەكتەسەتىنىنە سەنىم ءبىلدىردى. QazVac ۆاكسيناسىن قازاقستاننىڭ ءبىلىم جانە عىلىم مينيسترلىگىنىڭ بيولوگيالىق قاۋىپسىزدىك پروبلەمالارىنىڭ عىلىمي- زەرتتەۋ ينستيتۋتى ءوندىرىپ شىعارعان جانە 2021 -جىلدىڭ باسىنان بەرى ول رەسەيلىك جانە قىتايلىق ماماندار ازىرلەگەن پرەپاراتتارمەن قاتار قازاقستاندىقتاردى ۆاكسينالاۋ ءۇشىن كەڭىنەن قولدانىلادى. قازاقستاندا كلينيكالىق سىناقتار مەن ونى كەڭىنەن قولدانۋ تاجىريبەسى QazVac ۆاكسيناسىنىڭ قاۋىپسىزدىگىن جانە ونىڭ كوروناۆيرۋستىق ينفەكسيا مەن ونىڭ اۋىر تۇرلەرىن جۇقتىرۋدىڭ الدىن الۋدا جوعارى تيىمدىلىگىن (%90- دان استام) كورسەتتى. QazVac-پەن ۆاكسينالاۋ 18 جاستان اسقان ادامدارعا ۇسىنىلادى جانە بۇلشىقەت ىشىنە ەكى كەزەڭدە جۇرگىزىلەدى، ولاردىڭ اراسىنداعى ۇسىنىلاتىن ارالىق 21 كۇندى قۇرايدى. بۇدان بۇرىن حابارلانعانداي، سالالىق ورگاندار وتاندىق ۆاكسيناعا كەلىسىم الۋ ءۇشىن دۇنيەجۇزىلىك دەنساۋلىق ساقتاۋ ۇيىمىمەن جۇمىس جۇرگىزىپ جاتىر.