كوكشەتاۋداعى جارمەڭكەدە 250 جۇمىس ورنى ۇسىنىلدى

None
None
كوكشەتاۋ. قازاقپارات - كوكشەتاۋ قالاسىنىڭ حالىقتى جۇمىسپەن قامتۋ ورتالىعى «دوستار» مادەنيەت سارايىندا جۇمىسسىز جاستارعا ارنالعان بوس جۇمىس ورىندارى جارمەڭكەسىن وتكىزدى، دەپ حابارلايدى قازاقپارات وبلىستىق مەملەكەتتىك قىزمەت ىستەرى دەپارتامەنتىنىڭ باسپا ءسوز قىزمەتىنە سىلتەمە جاساپ.

جارمەڭكەگە 50 دەن استام ۇيىم قاتىسىپ، 250 بوس جۇمىس ورنىن ۇسىندى.

ءىس- شارا بارىسىندا مەملەكەتتىك قىزمەت ىستەرى اگەنتتىگى اقمولا وبلىسى بويىنشا دەپارتامەنتىنىڭ وكىلدەرى مەملەكەتتىك اكىمشىلىك جانە قۇقىق قورعاۋ قىزمەتىنە ورنالاسۋ ءتارتىبىن ءتۇسىندىرىپ، اقپاراتتىق بروشيۋرالار تاراتتى. سونىمەن بىرگە، مەملەكەتتىك قىزمەتتەگى بوس لاۋازىمدارعا شولۋ جاسالدى.

وسىنداي جارمەڭكەلەر تۇراقتى نەگىزدە وتكىزىلەدى جانە جۇمىسسىز ازاماتتارعا جۇمىس بەرۋشىلەرمەن تىكەلەي كەزدەسۋگە، بوس جۇمىس ورنىمەن تانىسۋعا، قىزىقتىراتىن سۇراقتارعا جاۋاپ الۋعا مۇمكىندىك بەرىپ، جاستاردىڭ جۇمىسقا ورنالاسۋىنا سەپتىگىن تيگىزەدى.

«بۇگىنگى ءىس-شارا بولاشاق مامانداردىڭ جۇمىسقا تۇرۋىنا كومەكتەسۋگە، كاسىبي باعىت- باعدار بەرۋگە باعىتتالعان. بۇل - جۇمىس بەرۋشىلەردىڭ قىزمەتىمەن، بوس جۇمىس ورىندارىمەن، جۇمىس شارتتارىمەن جانە الەۋمەتتىك قولداۋىمەن تانىسقىسى كەلەتىن ماماندار ءۇشىن جاقسى مۇمكىندىك. ءتىپتى، مەملەكەتتىك جانە قۇقىق قورعاۋ ورگاندارى ءۇشىن دە ءتيىمدى، سەبەبى ولار دا تالانتتى، باسەكەگە قابىلەتتى كادرلاردى تارتۋعا قىزىعۋشىلىق تانىتىپ وتىر» - دەيدى دەپارتامەنتتىڭ مەملەكەتتىك قىزمەت باسقارماسىنىڭ باسشىسى گۇلميرا ەۆنييەۆا.

ءىس-شاراعا 200 گە تارتا جۇمىسسىز ازامات قاتىستى.

 

سوڭعى جاڭالىقتار